انا مش فاهمه انت بتفكر ازاى ؟؟؟
ولا عارفه ايه وجهه نظرك فى حلولك دى ؟!
يعنى من زمان وتفكيرك غريب !!
يعنى ايه اهميه انك تخلى ناس تلف حوالين سور عشان يقع (اسوار اريحا
مانت كنت تقدر بكل سهوله توقعله لوحدك منغير ماتتغبهم ؟؟؟
ايه الفكره فى انك تخلى ايليا النبى العظيم ان ست وارمله هى اللى تعوله !!
او انك تخلى غراب هو اللى ياكله ... او انك تخليه يشرب من بركه صغيره جنب نهر كبيير ؟؟!!!
ايه اللى يخليك تدخل دانيال وسط اسوود عشان بس الملك يأمن ؟!
ليه بتحط اولادك فى خطر لمجرد خطه فى دماغك ؟؟
ليه حطيت يوسف تحت ضغظ نفسى بس عشان يبقى الرجل التانى فى مصر .. كنت اديته المنصب منغير الضغوط دى ؟
ايه اللىي يخليك تقول لابراهيم انه يقتل ابنه رغم انك عارف ان الابن ده جه بصعوبه ؟
ايه اللي يخليك تختبر ايوب فى صبره ؟؟ هى غلطان انه فضل صاابر يعنى ؟
ليه لازم تسيب علامه او جرح فى كل واحد قبل ماتخلق النصر ؟؟
فكرت كتيييييييييييير فى تعاملاتك الغير منطقيه !! وسألت كتير
ملقاش غير اجابه واحده هى ان انتى مش هتقدر ى توصلى لتفكير ربنا
بس كفايه بقى اجابات تقليديه ؟؟؟؟؟؟؟
...حاولت انا افهم الموضوع بتفكير بسيط قابل للغلط
ربنا بيحب يختبر الانسان عشان مجده يبقى اعظم
يعنى مثلا فى ايليا : ايليا لو مكنش قابلته الحاجات دى مكنش هيبقى اعظم الانبياء
اسوار اريحا : ربنا حابب الشعب يشاركه ويحسسه ان النصر هما تعبوا فيه عشان يتبسطوا
بولس : لو مكنش حط فيه فيه الشوكه .. كان قابل جدا انه يتغر عشان هو اعظم المبشرين
انا دلوقتى عارفه كويس ان اى ظرف او ضيقه انا فيها او حتى احساس خراب حياتى ..
ده معناه انك قررت تبنى حياتى من اول وجديد وانىك قررت انى اختبرك واعرفك صح ... ويكون المجد اعظم ..
وانا مصدق انك عامل عمل فى ايامى انا مش مصدقه ولا عارفه ...
كل اللى واثقه فيه انك هتخلقلى اجنحه من النسوور) ..
بغض النظر انى برضو مش هعرف افهم طريقه تفكيرك لانك غريييب
