كلمة راحت ورجعت

[Haia]

فى سياق الحديث عن أفكار جديده فى الخدمه , أعتقد أنه من أهم هذه الأفكار , هى بناء الخادم , وتعريفه بأن الخدمه ليست قصص وصور ومدارس أحد فقط , ليست الخدمه هى خدمة الأخرين فقط .الخدمه أيضا أن تخدم نفسك . والكلام واضح والشواهد معروفه .
واحده من الأمور المهمه والتى تغيب كتير كتير من الخدام هى ( قوة الخادم المستمده من رب المجد )
بمعنى أن الخادم له سلطان وقوه وحمايه من رب المجد .موجوده بالفعل . لكن للأسف فيه كتير مش بيحسوا بيها . وتعالو اليوم نشوف القصه دى :
اليوم الكنيسه مليئه بفصول الخدمه , وأمين الخدمه بيمسك الميكروفون وبيقول . فيه تنبيه الان من أبونا لو سمحتم هدوء . أبونا أتكلم كلمتين وبسرعه .أحبائى عندنا الأن تجديدات فى الكنيسه واللى يقدر يساعد أو يقوم بالجمع لمساعدة الكنيسه ربنا يعوضه .
وبعد أنتهاء الخدمه فيه 2 خدام قرروا أن يذهبوا لعم المقدس التاجر ويطلبوا منه تبرع للكنيسه . وبالفعل ذهبوا وقابلهم عم المقدس بترحاب كبير .
أحنا هنا علشان بنطلب بركه للكنيسه ده اللى قالوه الخادمين ___.كله أتغير نعم كله أتغير وعم المقدس وقف وصوته بدأ يميل للصراخ , مش ها أدفع . فاهمين مش ها أدفع ....والخادمين بكل أدب وأحترام بدأو فى الأنصراف , وعم المقدس أستوقفهم قائلا : قولو لربنا لو عايز روحى ها أديها ليه على ( الجزمه القديمه )...
وأنصرف الخادمين وهم فى شىء من الضيق .
وتمر الأيام وتمر كمان أيام وعم المقدس يمرض بألم شديد فى ظهره .
عم المقدس أنحنى ظهره .
عم المقدس بدأ يفقر .
عم المقدس أبتدأ يفتقر .
عم المقدس جزمته قديمه .
عم المقدس زاد أنحناء ظهره حتى أن فمه قرب من الجزمه القديمه .
عم المقدس طلعت روحه على الجزمه القديمه .
أخى وأختى خادم وخادمه .انت تحمل أسم الله .انت فى حماية رب المجد .
حاول أن تشعر بهذه النعمه وتمتع بقوة صلتك بالرب .