"كلنا خالد سعيد" تبرئ الكنيسة الإنجيلية من الدعوة للعنف
نشرت صفحة "كلنا خالد سعيد"، عبر صفحتها بموقع "فيس بوك"، اليوم الخميس مقطع فيديو يعرض جزءً من اجتماع للكنيسة الإنجيلية بقصر الدوبارة، والذي قيل فيه إن دم يسوع لازم يملى مصر والتحرير والاتحادية".
وقالت "كلنا خالد سعيد": "هام جدًا.. الفيديو ده منشور على الإنترنت بغرض تصوير إن الكنيسةالإنجيلية (وليس الأرثوذكسية بالمناسبة) بتحرض على قتل الناس يوم 30 يونيو".
وذكرت الصفحة: "الفيديو معناه عكس كده تماما وشرحه الكثير من المسيحيين على فيس بوك.. رش دم اليسوع هو دعاء بالتسامح والسلام وحقن الدماء، لأن المسيح بحسب المعتقد الإنجيلي قد ضحى بنفسه وبدمه حتى يعم السلام والمحبة في العالم.. بعكس ما قد يوحي به معنى (رش الدم) عندنا كمسلمين.. إحنا كاتبين الملاحظة دي عشان احنا في لحظات صعبة جدا في البلد ومش ناقصين فتنة بين مسلمين ومسيحيين.. ويا ريت الناس اللي بتروج للمحتوى ده بدون وعي لمجرد تحقيق مكاسب سياسية تتقي ربنا في مصر".
20 - 06 - 2013, 10:37 AM
العرض الشجري