رساله الى صديقتى سابقا !!

[بنتك يايسوع]

رساله الى صديقتى سابقا






فى يوم من الايام القدر جمعنا

واننا نكون اخوات ده كان اتفاقنا

ووعدنا بعض كمان ان مفيش حاجه فى الكون ممكن تفرقنا

على ترابطنا وحبنا لبعض كل الناس كانت بتحسدنا

مرت بينا مواقف كتيره المفرحه منها والحزينه

كان بينا كلام كتير وباسرارنا لبعض حكينا

بقت بنا عشره طويله وذكريات جميله

وعمرى مااتخيلت يوم انها هاتكون سبب فى ذكرى اليمه

بكل اللى فى قلبى ليها انا كنت بحكى

حتى ولو كان ده قدامها هايشوه صورتى

كنت فاكره انها الوحيده اللى بتفهمنى

ومستحيل ييجي اليوم اللى فيه ممكن تظلمنى

كانت ليا اخت بجد واقرب ليا من اى حد

كتير اتخانقنا وكتير زعلنا لكن عمرنا ما خاصمنا بعض

واستمرينا ايام وشهور وسنين على دا الحال

لحد ما جه اليوم اللى حصل فيه ما كان يخطر على بال

حصلت بنا مشاده عنيفه ووجهنا لبعض كلمات مهياش لطيفه

قدام الناس اتخانقنا وفى اهانة بعض اتمادينا

انا افتكرت انها زى كل مره والزعل هاينتهى بمجرد ما تعدى الليله

لكن مرت الايام وفى خصامنا وعدم غفراننا لبعض استمرينا

الله !! طيب راحت فين يا صديقتى العشره اللى ما بنا

وراح فين كلامنا واخوتنا لبعض واللى بيها اتواعدنا

ردت وقالت ده شئ مات جوايا خلاص انسيه

والموضوع ده تانى معايا معدتيش تفتحيه

بجد يااختى صدمتى كانت كبيره فى خسارتك

بس افتكرى انى حاولت كتير انى اصالحك

وانا بقولك مش مهم نرجع زى زمان

لكن الاهم انك تسامحى وتغفرى من قلبك

اغفرى بجد حتى ولو كنت فعلا غلطانه فى حقك



*******************
صــديقــه تعبـــــانـه ......

♥¸.•*•.¸ mrmr bent elbaba¸.•*•.¸♥