|
 |
 |
 |
|
رقم المشاركة : ( 1 )
28 - 03 - 2013, 08:03 AM
|
|||||||||||
|
|||||||||||
|
قصة الكابل اللى حصلت امبارح وانقطاع الانترنت  اللي حصل امبارح بخصوص الكابل اللي قطع النت و ضعف في مصر مدبر و محصلش بغرض العبث او السرقة لكن كان هدفه قطع النت تماما عن مصر و دي تعتبر ثاني محاولة في الاسبوع ده ابتدت يوم الجمعة اللي فات... الكابل ده طوله اكثر من 18 الف كيلو بيعدي من اوروبا لاسيا و لما بيتمدد في البحر دايما بيتمدد علي ارض القاع (صورة 1) علشان يكون بعيد تمام عن اي عوامل تصطدم بيه او غواصات عابرة . مصر بيعدي منها جزء بري صحراوي و ده مدفون علي اعماق كبيرة تماما بعيدا عن تاثيرات اي اعمال انشائية مستقبلا او حفر او عوامل جوية تاثر علي اداء الكابلات و الجزء الثاني جزء بحري من قناة السويس و ده صعب اللعب فيه لان القناة تحت مراقبة كاملة و اي اعمال تخربيبة فيها مستحيلة و الباقي علي سواحل اسكندرية و ده المكان اللي حصل فيه القطع (صورة 2) و مكان القطع علي بعد حوالي كيلو متر من الشاطئ في عرض البحر و علي عمق تجاوز 150 متر. القطع حصل في سيجمنت 4 ( صورة 3) و ده اللي مصر مسؤلة عنه و اتضح ان القطع في نفس المكان زي الاسبوع اللي فات و ده اللي خلي الجيش يقدر يقبض علي الغواصين اللي قاموا بالقطع المرة دي لانه ترقب حدوثه مرة اخري لاكتشاف ان الحادث الاسبوع اللي فات كان متعمد و مش عارض.... اللي نفذ الموضوع ده غواصين محترفين لان العمق ده كبير جدا و مش اي غطاس يقدر ينزله و لا حتي الغطاس المحترف و لكن الغطاس اللي واخد غطس تقني Technical diver و مدرب تدريب تام و مجهز بادوات رؤية لان الظلام دامس و بدل تتحمل درجات البرودة العالية و الضغط في العمق ده (صورة 4) و دي ابعد نقطة ممكنة لغطاس ينزلها لان بعد كدة الاعماق للكابل بتنزل لاكثر من 600 متر و دي محتاجة غواصات و ده يوضحلنا ان اللي عملوا الموضوع ده محترفين جدا، مجهزين تماما لعملية زي دي و عندهم معلومات و و انظمة تحديد لموقع الكابل بالقمر الصناعي لان مكانه تحديدا غير معروف للعامة و استحالة تلاقيه بالصدفة. النقطة الاهم ان الكابل بيعدي معاه كابل كمان سعته صغيرة جدا و غير مؤثرة سعته 320 جيجا لكنهم قرروا يقطعوا كابل SMW4 سعته 1،8 تيرا .. فمنين عارفين انهي كابل المستهدف و الاكثر ان الكابل ده معزول بطريقة محترفة و مصمم لتحمل اقصي درجات القسوة و قطعه صعب بالادوات العادية و محتاج معدات خاصة لقطعه و ده يفسر عدم نجاح الغواصين في قطعه المرة السابقة لكن المرة دي نجحوا يقطوا 50٪ منه ، الكابل يتكون من 4 وصلات معزولين كل علي حدة لتحمل اقصي درجات التعامل او العض من الاسماك البحرية زي القرش او اصطدامه باي غواصات مثلا (صورة 5) و القطع اثر اكثر علي باكستان و الهند اكثر مننا المرة دي . الغواصين فعلا كانوا متخفيين في بلنص صيد لعدم اثارة الشبهات لكن وصولهم فوق مكان الكابل هو اللي حذر خفر السواحل المصرية اللي اصلا مترقبة الفعل يتكرر و تجهيزات الغواصين و مدي دقة مكان التنفيذ يوضح انهم مدفوعين من جهة مهتمة بقطع الانترنت عن مصر بشكل كامل و للاسف ليهم علاقة بمن يحكم البلد لان الحدث السابق يوم الجمعة كان الغرض منه قطع الخدمة ايضا للتغطية علي احداث المقطم و اتوقع احداث انتقامية مشابهة خلال الايام القادمة كان يتم التحضير لها بقطع خدمة الاتصالات عن مصر..و علي فكرة تم اعلان ان الاصلاح للقطع اللي حصل النهاردة حيتمم اصلاحه اخر شهر 12 القادم من مدي صعوبة الوصول و التعامل مع الكابلات دي فتخيلوا مدي تجهيز الغواصين دول و مين اللي دعمهم. ======================= Admin :Al General ======================= ₪ ∫∫ ∫∫ ₪≈ابــداً لــن تســقط مــصـر≈₪ ∫∫ ∫∫ ₪ 
|
| أدوات الموضوع | |
| انواع عرض الموضوع | |
|
العرض الشجري