محمود سعد لرئيس "الشورى": مين إنت عشان توقف فيلم "نيللي" عن العرض على الطيارة
محمود سعد
استنكر الإعلامي محمود سعد، ما بدر من رئيس مجلس الشورى أحمد فهمي، على متن طائرة مصر للطيران القادمة من السودان، حيث اعترض على عرض فيلم "عريس ماما" للفنانة نيللي، بحجة أنه يعرض "مشاهد ساخنة".
وتساءل سعد، في برنامجه "آخر النهار" على فضائية "النهار"، "مين إدى الحق لأحمد فهمي رئيس مجلس الشورى إنه يقطع الفيلم من الطيارة؟ ده احنا هنشوف المر، وداخلين على أيام أسود من قرن الخروب".
واستكمل سعد هجومه على تصرفات رئيس المجلس بقوله "هتعملوا فينا إيه تاني؟ دي مش بلد، دي مش ناس بتحكم بلد، ده كان لازم يخرج من الطيارة يكتب طلب ونناقشة ونشوف إيه هيا المشاهد الساخنة؟ ومن وجهة نظر مين؟ وبعدين دي أفلام الستينات كلها كانت كدة يبقى خلاص نعدم كل أفلام الستينات".
كما انتقد سعد تصرفات الطيار رشدي زكريا رئيس شركة مصر للطيران للخطوط الجوية، بسبب نيته إعادة تقييم جميع الأعمال الفنية التى تعرض على طائرات الشركة.
وأضاف سعد "لو أنا من الرئيس مرسي، أشيل الطيار رشدي زكريا من منصبه، لأنه قفل فيلم نيللي بناء على طلب عضو مجلس الشورى".
الوطن
24 - 01 - 2013, 08:31 PM
العرض الشجري