لعبة المفتشة ميروووو الحلقة [19]

[ميرو]

مساء الخيرات على احلى خفت دم واحلى واجمل اعضاء
فى اجمل منتدى

ومعانا ومعاكم الحلقة الجديدة

دكتور (Mina Mandoo ) زعيم العصابه اعتزل السرقه واصبح استشاري (((اتسرق)))
من يوم ما اعتزل السرقه وهوه حاسس ان حد من عصابته القديمه هيسرق منه تحويشة عمره
عشان كده كهرب باب البيت علشان محدش يفكر يقرب له لكن اللي سرقه كان عارف ده كويس وفي يوم كان برد جدا جدا حوالي الساعه تمانيه بالليل وقفت قدام العماره عنده العربية اللي بتغير لمبات الكهربه في عواميد النور , واحد نط منها واستخبى فوق السطوح طول الليل في عز البرد.
لحد ما اتاكد ان دكتور ( Mina Mandoo ) نام وصوت شخيره ملا الدنيا .
نزل سرقه وطلع تاني استخبا فوق السطوح لحد ما نفس العربيه جات له الصبح وخادته ولان دكتور (Mina Mandoo) كان متاكد ان حد من عصابته القديمه هوه اللي سرقه فجمعهم .
ولما سئل
( كوجى عزت ) قال : انا كنت سهران طول الليل بلعب بلاي ستاشن يا دكتور وما هوبتش ناحية البيت عندك .
ولما سئل
( Hany Meshel ) قال : انا كنت سهران طول الليل بتفرج على فيلم رعب وقعدت خايف معرفتش انام .
ولما سئل
( concord ) قال: اتشووو ... انا امبارح كنت نايم .. اتشووو .. وما خرجتش خالص من البيت .. اتشوووو ...
دكتور ( Mina Mandoo ) معرفش مين اللي سرق لكن اكيد هوه واحد من التلاته دول :
1ـ كوجى عزت
2ـ Hany Meshel
3ـ concord



أنا عرفت الحل الحل لو انتا كمان عرفته اكتبه وقول هوا مين من التلاته وطبعا مع السبب
اللى اللقاء وانتظرونا فى الحلقه القادمه
مع تحيات المفتشة

ميروووووووووووووووووووووو