واحد اعجب بواحده ورجع سابها علشان شاف اللي احسن منها
وكأن ياعيني اللي سابها دي مش هتتجوز من بعده علشان شكلها مش حلو
ويفاجئ ان اول ماسابها اتخطبت علي طول ... العيب مكنش فيها ولا في شكلها .. العيب كان في عين اللي حبها ..
لأن عنيه عاملة زي كاميرا الموبايل اللي عمرها ماتطلع الحاجه وضحه ولا جميله ....
حبيت اطبق الموضوع عملي
صورت نفسي بكاميرا الموبايل طلع شكلي غريب وكأني بشوفني لأول مرة
صورتها بكاميرا ديجيتال حديثه طلعت الصورة حلوة واحسن من الاول ميت مره
علي الرغم ان انا هو هو الا ان الكاميرا بتفرق كتير ..
فيه كاميرات بتطلع الناس حلوة وكاميرات تانية بتطلع الناس وحشة
بس هل ياتري السر في الكاميرا ولا فيا انا ؟؟
اعتقد السر في الكاميرا .. طول ما كامرتك حلوة هتشوف الناس حلوة
عنيك هي كامرتك ... ياتري بتشوف الناس ازاي ؟؟
مايكل سامي
