|
 |
 |
 |
|
رقم المشاركة : ( 1 )
29 - 01 - 2026, 10:41 PM
|
|||||||||||
|
|||||||||||
|
عارف لما تبص علي صوره بس اللي ياخد عنيك ( البرواز ) وتقول هو البرواز شيك اوي بصراحه طب الصوره اللي جوه ؟ اه جميله بس البراوز خد عيني اكتر وتسأل هو ( البرواز ده بكام) وتشتري البرواز وتحط فيه الصوره اللي تعجبك اهو احنا ساعات كده بنحب اوي ( البرواز)مش مهم بقي الصوره دي اتقطعت الصوره أصلا الحقيقيه اللي جوه ايه لا أنا عاوز الكل يفضل شايف ( البرواز) والعين تفضل تقول ( البرواز شيك اوي) لكن في حياه تانيه مش بتهتم بالبرواز وتلاقي الصوره هي ( الأصل) تروح دير او مكان قديم تلاقيه محتفظ جدا بالصوره والصوره هي اللي واخده العين مهما كان فيها من بهتان او شروخ بس تلاقي (برواز ازاز ) بسيط جدا بيحافظ عليها علشان تفضل بقيمتها ويبقي مش مهم (البرواز) شكله ايه المهم اصل الصوره مضمون الصوره الحياه اللي جوه الصوره ياتري احنا بنعمل انهي برواز ؟ عاوز تحافظ علي البرواز ولا علي الصوره واصلها ؟ عاوز تحافظ علي البرواز ؟ اعمل اللي بتعمله دلوقتي جمل نفسك قصاد الكل اعمل نفسك حلو بكل أنواع البراويز وانسي اصل الحكايه ماتهتمش بأصلها ولا بعمقها ولا بتاريخها وماتقلقش كل الناس هاياخد عينها البرواز اوي ومحدش هايحس بأي حاجه إلا بس لو قربوا من الصوره وشافوا ان القيمه هي البراوز بس لكن من جوه فاضي او تبقي حد صادق مع نفسك وتهتم بالصوره وتاريخها واصلها وتحافظ جدا علي جمالها مهما الظروف شوهتها وماتحطلهاش برواز كداب علشان الناس ماتشوفش الحقيقه جمال الحكايه في كل تفاصيلها اهتميتوا بالشكل اوي والكل شايف جمال البرواز بس ربنا الوحيد اللي شايف ان الصوره الاصليه رمتوها اهملتوها نسيتوا تاريخها واهتميتوا بالبرواز اللي يخلي الناس تشوف ان لسه الحياه كويسه لكن لا التاريخ اهملتوه التعب اللي في الحكايه ركنتوه علي جنب واهتميتوا بالبرواز اللي يشد او يخلي الناس تشوف الحقيقه مش كامله كان بالاولي رممتوا الصوره القديمه حاولته تحافظوا عليها حاولته تلحقوها من اي وجع وجرح طالها واتمسكتوا بأصلها لكن اهتمينا اذاي نحافظ علي البرواز لحد ما الصوره تاهت وسط البرواز والناس شايفه جمال البرواز بس الرسام حزين اوي وموجوع علي تعبه اللي راح في صوره تعب فيها سنين طلع فيها كل طاقته طلع فيها كل حبه ومشاعره وباقت الحكايه كلها صوره غاليه جوه برواز رخيص 
|
| أدوات الموضوع | |
| انواع عرض الموضوع | |
|
العرض الشجري