|
 |
 |
 |
|
رقم المشاركة : ( 1 )
13 - 01 - 2026, 11:28 AM
|
|||||||||||
|
|||||||||||
|
حكمة الله تصنع المستحيل ... واحد جارى رفض ذكر اسمه حب يعمل عمل لله ويفرح اولاد الملجأ فى العيد ، فجاب نصبه فيها فول وطعميه وبتنجان وبطاطس وسلطه وكل حاجه ،وحطها على أول الشارع ، وجاب لوحه وكتب عليها إدفع ماتريد فهذه الأموال ملك لله ستنفق على الفقراء .. أى حد يجيله كان يديله رغيف عيش ويملاه زى ماهو عاوز .. فى اللى كان بياخد على قده ويسيب تمن اللى خده ودى كانت نسبتهم قليله .. وفى اللى كان بياخد اكتر من طاقته ومايسبش ولا مليم ودى كانت نسبتهم كبيره .. لكن كان فى ناس مابتخدش حاجه خالص بس بتسيب فلوس كتير ... المهم فى نهاية اليوم الراجل خلص الاكل اللى معاه واشبع ناس كتير ولم حوالى ٣٠٠٠ جنيه .. قرر صاحبنا ده انه يروح يجيب بيهم لبس العيد لملجأ للأيتام بمناسبة العيد الكبير .. بالفعل راح محل كبير فى وسط البلد عشام يجيب اللبس لكن اتصدم لما لقى ان تكلفة اللبس كله اكتر من ١٥ الف جنيه .. وهو مش معاه غير ٣٠٠٠ جنيه بس ، يعنى عاوز عليهم ١٢ الف كمان هايجيبهم منين والعيد فاضل عليه يومين بس .. طبعا صاحبنا ده اتحط فى موقف محرج جدااا لانه راح الملجأ من يومين واتفق مع المسئول هناك ان كسوة الأولاد فى العيد عليه .. طلع صاحبنا من المحل وهو مصدوم ومش عارف يعمل ايه .. قعد على الرصيف فى الشارع .. وبص للسما وقال .. - يارب انا شكلى كدا هايبقى وحش دانا وعدتهم ان كسوة العيد عليا ، اعمل ايه !! فكها من عندك يارب وحل الضيقه 🙏❤ لكن الظاهر كده باب السما كان مفتوح .. بعد ما صاحبنا فقد الامل انه يفرح ولاد الملجأه بلبس العيد قرر يعملهم حفله على قدها كده بال٣٠٠٠ جنيه ويفرحهم .. اكتشف لما روح البيت وبيطلع الفلوس من جيبه لقى جيبه مقطوع والفلوس وقعت منه .. إستغرب جدااا ، لان الجيب ماكنش مقطوع ، طيب اتقطع ازاى.. كان قطع الجيب كأن حد قطعه بموس من بره ، واضح جدا ان حد قطعله الجيب ، طيب ازاى ؟ الراجل لا ركب مواصلات زحمه ولا وقف فى مكان زحمه اصلا ، يادوب تاكسى من المحل للبيت .. زعل جدا صاحبنا ده وقاله يارب " انا عارف ان مش هايهون عليك الولاد مايفرحوش انل واثق فى حنيتك عليهم ❤🙏" خلص كلامه مع ربنا .. وتانى يوم الساعه ١٠ الصبح راح عمل نشره فى الإذاعه المحليه لكل المناطق اللى كان متواجد فيها ،ويبلغ انه ضاع منه مبلغ وساب رقم تليفونه.. الساعه ٨:٢٣ بالليل جاله تليفون من شخص بيقوله انه لقى الفلوس واتفقوا انهم يتقابلوا الساعه ٩:٣٠ فى مكان .. راح صاحبنا فى الميعاد مظبوط ، لقى راجل عجوز مستنيه بالفلوس ولابس بدله وراكب عربيه .. الراجل العجوز قاله .. على فكره انا شوفتهم وهم بيقعوا من جيبك وفضلت انادى عليك وانت ماسمعتنيش بس انت لسه شباب كانت خطوتك سريعه ماقدرتش احصلك ، فا قولت اشيلهم معايا ولو عدى اسبوع وماسألتش عليهم كنت هاروح اتبرع بيهم للفقرا .. صاحبنا رد عليه قاله .. معلش انا اسف ماسمعتش امبارح انا كنت مضايق قوى ،لانهم الحقيقه دول فى الأصل مبلغ لأولاد فى الملجأ بتاع المنطقه دى ، وكنت ناوى اجيبلهم لبس العيد بس للأسف تمن الهدوم طلعت اضعاف اضعاف المبلغ اللى معايا .. قاله انت منين ؟ فا قاله عنوانه ... لقى الراجل العجوز ده مسكه من كتفه ، وقاله بارك الله فيك وعطاله الفلوس ومشى .. صاحبنا برغم ضيقته لكنه شكر ربنا ان الفلوس رجعت .. بالفعل يوم العيد راح الملجأ عشان يعملهم الحفله لكنه إتفاجأ بحاجه غريبه .. مسئول الملجأ بيقوله .. متشكرين جدا جدا ، على هديتك العظيمه اللى قدمتها للملجأ انهرده .. ولما سأل فى ايه ؟؟ ، رد عليه المسئول وقاله .. فى راجل كبير فى السن جه انهرده ومعاه هدوم العيد للأولاد ودفع مبلغ مالى كبير وقال انك انت الى باعتلهم الحاجات دى كلها.. بص صاحبنا للسما بإبتسامه وهو مستعجب جدا من كل الأحداث اللى حصلت وقال ... حبيت افرحهم بحاجه واحده لكن ربنا حب يفرحهم بحاجات اكتر .. 
|
| أدوات الموضوع | |
| انواع عرض الموضوع | |
|
العرض الشجري