مع يسوع كل ده ممكن

[walaa farouk]

ساعات كتير بنطلب من ربنا حاجات بسيطة جدًا
.. عين تقدر تشوف الجمال وسط الضلمة ..
عين ماتدورش عَ العيوب لكن تلاقي جوانب الرحمة والنعمة
حتى في أصعب الناس والظروف .. وأيد تسند،
مش أيد تتحكم أو تضرب، لكن أيد تمسح دمعة، وتوقف حد واقع،
وتفتح باب رجاء جديد .. وقلب يحب، حتى لو اتغدر بيه
.. قلب يفضل واسع زي حضن ربنا، يضم حتى اللي أذوه،
ويصدق إن الغفران مش ضعف، لكن قوة وسلام ..
يمكن ده مش سهل على الإنسان، بس مع يسوع كل ده ممكن
.. لأن اللي حبنا وإحنا لسه خطاة، قادر يملانا بنفس المحبة ونفس الغفران
.. ويدينا عين شبه عينه، وإيد شبه إيده، وقلب شبه قلبه ..