19 - 08 - 2024, 08:54 PM
|
|
|
|
..::| الإدارة العامة |::..
|
|
|
|
|
|
هو ليه ربنا مش بيعمل معايا معجزات ؟
مين قال كدة ؟ كل يوم تقريباً بيحصل معجزة بس حسب تعريف المعجزة بالنسبالك .
. انت متخيل المعجزة هي شفاء مريض بمرض صعب او أعمي يبصر و هكذا
لكن المعجزة هي عمل الله في حياتك
عارف لما بتصحي الصبح و تفتح عينيك
دي معجزة الله أمر ليك بالحياة
و انك تستكمل حياتك ..
عارف و إنت بتنزل شغلك كل يوم
دي معجزة ، الله فتح لك باب رزق من السما تاكل و تشرب منه .
عارف و انت بتقبض و يدخلك فلوس
دي معجزة الله أمر يدخل جيبك الفلوس دي في ظل سعيك ..
عارف ولادك حبايبك
دول معجزة .. مش العادي انهم ييجوا عادي للحياة لكن جم بكلمة من فوق
عارف وانت بتعدي الطريق و علي اخر لحظة فلت من عربية
كانت معدية فرق بينها وبينك مليمترات
دي معجزة و تدخل من الله بيحفظ حياتك
عارف لما كنت سايق و علي اخر ثانية خدت بالك و حودت دي
معجزة كبيرة و انقاذ من حادث كبير ..
عارف الإحساس بالسلام و السكينة في عز ظروفك الصعبة و أيامك الغامضة
.. دي معجزة الله حط سلامه في قلبك علشان ترتاح و تكون هادي و تعرف تتبسط مع أسرتك
عارف ان حياتنا مليانة معجزات
واكبر معجزة ممكن تختبرها لما تكلم الله و يكلمك
و يكون لك عشرة حقيقية مع إنجيله ومع كلمته
وتتفاعل معاها و تتأمل فيها و تاكلها و تكون غذائك اليومي
و أكبر معجزة في حياة اللي حواليك
انه يستخدمك تكون إيده اللي بتسندهم و تساعدهم و ترشدهم و تشجعهم و تردهم
صدقني حياتنا مليانة معجزات يومية و تعاملات لله
بس ربنا يدينا العين اللي تشوف و تدرك
التعديل الأخير تم بواسطة walaa farouk ; 19 - 08 - 2024 الساعة 09:08 PM
|
