| |
|
|
|
|
|
||||||
|
|
أدوات الموضوع | انواع عرض الموضوع |
|
#1
04 - 07 - 2024, 04:49 PM
|
||||
|
||||
 ربنا صحّانى من النوم إمبارح قبل ما الشقه تولع .. خلصت شغل إمبارح الساعه تلاته الفجر ، وقفت حوالى نص ساعه مستنى مواصله بالعافيه لاقيت ، بس للاسف السواق نزلّنى فى نص السكه ، قولت هاكملها مشى وخلاص ، مع إنى كنت تعبان جداا ، بس كنت هاتعب أكتر لو كنت استنيت تانى عشان الاقى مواصله تانيه ، وصلت شارع البيت الساعه 4.30 الفجر ، كنت على اول الشارع لاقيت نار ودخان ، خوفت لحسن اكون نسيت البوتجاز والع ولا حاجه ، فضلت اجرى لغاية ما وصلت ، بس الحمدلله ماكنش فى حاجه ، كان فى راجل موّلع فى زباله قدام البيت عامله دخان جامد ... مشيت الشارع بتاع بيتنا والحمدلله وصلت بالسلامه وهربت من خنقة الدخان .. دخلت الشقه اتطمنت ان كل حاجه سليمه ومافيش حاجه محروقه ، سخنت الاكل ، خلصت وظبطت المنبه بتاع التليفون النوكيا على الساعه تسعه الصبح ، وحطيت التليفون التانى htc على الشاحن جنب فيشة التلاجه والبوتجاز ، ودخلت نمت هو بصراحه ماكنش نوم ، دا كان غيبوبه من كتر التعب .. انا ونايم شامم ريحة شياط ودخان ، بس قولت عادى ، اكيد من الشارع ، وكملت نوم عادى ... صحيت على صوت المنبه ، وكأنى صحيت فى الميعاد المناسب بالظبط ، دخان كتير جدااااا فى الشقه ،تليفون ال htc بيولع ، جريت بسرعه فصلت كهربا الشقه كلها ، وشديت سلك الشاحن بالتليفون ورميته فى حوض المطبخ وفتحت عليه المايه ... بعد ما الحريقه اتطفت وحمدت ربنا ان النار ما زادتش ووصلت لانبوبه البوتجاز ... هديت شويه وببص فى الساعه لاقيتها لسه 6.20 الصبح ، استغربت جدا ، ازاى دا انا ظبطت المنبه على الساعه 9، بعد تفكير كتير ، انتهى بيا الحال ان زراير تليفون النوكيا صغيره وبدل ما اكتب تسعه كتبت سته ومن التعب اللى كنت فيه ماخدتش بالى .. هاتقولوا ازاى ربنا صحّاك من النوم ، دا المنبه ، ودى غلطه منك انت اللى ظبطته غلط ... ربنا ماجاش شخصياً وقالى إصحى يا كيرلس ، الحق البيت بيولع ، ربنا مايحبش يبان فى الصوره ... لكنه كلمنى بطريقته ... ناس كتير لما بتصلى لربنا ، بتكون منتظره ربنا يكلمها شخصياً ، او يرد بالطريقه اللى هم عاوزينها ، لا ياحبيبى ربنا بيرد بطريقته هو ووقته هو لكن النتيجه فى صالحك انت .. ماتزعلش من ربنا انه ساكت ، ربنا مش ساكت ، ربنا بيرد عليك لكن انت اللى مش واخد باللك وفكرك في حته تاني وفى الاخر بتقول ربنا مابيعملش حاجه ... كلم ربنا واطلب منه بس حط عينك على ربنا هاتفهمه ، لكن طول مانت حاطط عينيك على طلبك بس ، مستحيل هاتفهم ربنا .. 
|
| أدوات الموضوع | |
| انواع عرض الموضوع | |
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| ربنا يجعل عليك السنة الجديدة كلها افراح وتعويض من ربنا ياحبيب ابوك | walaa farouk | صور البابا كيرلس السادس | 0 | 14 - 11 - 2023 06:20 PM |
| ربنا عمره ما وقف ساكت قدام الدموع | walaa farouk | موسوعة توبيكات مميزة | 0 | 07 - 06 - 2022 11:26 AM |
| أول ما تحس ربنا ساكت ومش بيعمل حاجه | sama smsma | موسوعة توبيكات مميزة | 2 | 21 - 05 - 2021 08:25 PM |
| بدري بدري (اخدم ربنا في عز شبابك) | walaa farouk | شبابيات الفرح المسيحى | 3 | 24 - 07 - 2016 05:40 PM |
| الإيمان انك تصدق وعود ربنا ليك وقت لما تحس أنه ساكت ومش بيعملك حاجة ! | Mary Naeem | صورة وأية من الكتاب المقدس | 0 | 31 - 07 - 2013 05:59 PM |
العرض الشجري