زوادة اليوم: الإصغاء لنصائح الآخرين 2024/7/4

[walaa farouk]

زوادة اليوم:
الإصغاء لنصائح الآخرين



بيخبّرو إنّو سنة ١٩٨٦ وقبل إطلاق المكّوك الفضائي
Challenger بليلة وحدة، إجتمع كبار المُهندسين
والعلماء لوضع اللمسات الأخيرة على المكّوك الفضائي.

الكلّ كانو مرتاحين وراضيين عن العمل،
إلّا مهندس شبّ تقدَّم من وكالة الناسا
وطلب عدم إطلاق المكّوك صباح ٢٨ كانون التاني،
لأنّو الطقس رَح بيكون عاصف وبارد
وهالشي رَح بيسبِّب كارثة كبيرة، إلّا إنّو إدارة الناسا
أصرِّت على إطلاق المكّوك ورفضت الإستماع إلى نصيحة
هالخبير الشبّ، وتمّ إطلاق المكّوك وشاف العالم كلّو
وبذهول إنفجار المكّوك بعد ٧٣ ثانية من إطلاقو.

علّقت جريدة الـ New York Times على الحادثة وقالت :

«السبب الحقيقي لهالكارثة هوّي الكبريا، لأنّو رجَال الإدارة
ما سمعو بإنتباه لتحذيرات موظَّف أدنى مِنُّن مركز وأقلّ خبرة».

الزوّادة بتقلّي وبتقلّك :

ما لازم نتهاون بنصايح الناس، مهما كِبر مركزنا
وعِلي شأنّا لازم على طول نسمع، نحلّل وبعدين نقرِّر،
أكبر غلط لَمّا منظنّ إنّا منمتلك كلّ المعرفة، والله معك