زوادة اليوم: الوفاء المفقود 2024/4/25

[walaa farouk]

زوادة اليوم:

🙏🌺الوفاء المفقود






بيخبرو عن اتنين مجوّزين من 46 سنة
، كل سنة الزوج كان يجيب لزوجتـو بعيد ميلادها باقة ورد وبطاقة مكتوب عليها المعايدة: «حبي لإلك بيكبر كل يوم أكتر من يوم»،
وبعد فترة زمنية، الزوج بيمرض وبيموت
، وشو صعب على الزوجة إنو تعيّد أول عيد بلا زوجها
. الصبح بيرِنّ جرس الباب، ولـمّا فتحت،
لقيت عامل توصيل الورد متل العادة جايبلا باقة ورد،
تفاجأت كتير وراحت على محل الورد وقالت للبياع: «أنا أكيدة إنكُن مغلّطين بالعنوان، إنتو بعتّولي وردات حدا تاني»،
بيرد بيّاع الورد وبيقِلّها: «زوجك قبل وفاتو دفع تمن باقات ورد لسنين كتيرة، وطلب منّا كل سنة نبعتلِك باقة بهالنهار مع هالبطاقة»...

لـمّا فتحت البطاقة كان مكتوب فيها:
«حبي لإلك هوّي أبدي وأقوى من الموت وما بينتهي أبدًا».

الزوّادة بتقلّي وبتقلّك: «الحب ما في إلو عمر
وما بيتحدّد لا بزمان ولا بمكان،
هوّي بذرة بتنزرع وبتفرّخ وبتعطي ثمار،
والأجمل إنّو بيدوم للأبد».