زوادة اليوم: كيف بتواجه الموج 2024/2/11

[walaa farouk]

زوادة اليوم:
كيف بتواجه الموج ؟




بيخبرو إنّو كان في شبّ عم يواجه صعوبات كتيرة بحياتو.

كانت الظروف صعبة وكأنّو كل البواب مسكّرة.

مرّة قلّو بَيّو هالصعوبات متل العاصفة،
كون إنت متل السفينة وإستعمل قوتك الداخليِّة حتّى تواجه الموج.

علقِت هالجملة براسو و مع الوقت فهم إنّو المطبّات
بحياتنا بتقوّينا و من كلّ وحدة منطلع أقوى.

بيقلنا يسوع :

"فَالْحَقَّ أَقُولُ لَكُمْ: لَوْ كَانَ لَكُمْ إِيمَانٌ مِثْلُ حَبَّةِ خَرْدَل
لَكُنْتُمْ تَقُولُونَ لِهذَا الْجَبَلِ: انْتَقِلْ مِنْ هُنَا إِلَى هُنَاكَ فَيَنْتَقِلُ
، وَلاَ يَكُونُ شَيْءٌ غَيْرَ مُمْكِنٍ لَدَيْكُمْ."

(مت ١٧: ٢٠)

حتّى لمّا نواجه مشكلة نتذكّر إنّو قوّتتا مِنّا
و فينا لأننا ولاد الله و لأنّو قلوبنا مليانة إيمان
و عِنّا إله غلب العاصفة و مشي على المَي و هوّي عاطول معنا