|
 |
 |
 |
|
رقم المشاركة : ( 1 )
07 - 10 - 2023, 12:15 PM
|
|||||||||||
|
|||||||||||
 زمان في مدارس الأحد خدنا درس فاكره لحد دلوقتي درس إسمه ( حنة و فننة ) و إتحكي لنا إن حنة دي ماكنتش بتخلف و مكانش عندها أطفال ، و فننة ضرتها كان عندها و كانت بتتعمد تغيظها و تتظاهر قدامها إن عندها و ربنا مديها و مميزها و هي مش عندها . أنا كنت فاكر ان دي قصة حصلت في العهد القديم و انتهت ، لكن كبرت و إكتشفت انها مش مجرد قصة لكن دي أسلوب حياة و كأن الكتاب المقدس بينبهنا إن ده هيكون سيستم حياة . فننة و حنة بيحصل كل يوم عن طريق إن يكون ربنا مميزك بحاجة مش عند حد قريب منك ، أو العكس مميزه هو بحاجة مش عندك ممكن يكون ربنا مميزك بإرتباط و جواز مبسوطة فيه ، و أختك أو قريبتك أو سلفتك لسه مرتبطتش و تعبانة فبلاش تغيظيها و من فضلك إحتويها ممكن يكون ربنا مميزك بإنجاب و أطفال ، و أقرب حد ليكي لسه ربنا ماداهوش بلاش تغيظيها و إجتهدي تحتويها ممكن يكون ربنا مميزك بمنصب أو وضع مادي كويس ، و أقرب حد مش عنده ده بلاش تغيظه أو تتظاهر قصاده و اجتهد تحتويه بإختصار بلاش تتظاهر قصاد حد قريب منك إنت عارف إنه متألم في النقطة دي .. راعي مشاعره ، و افتكر الآية دي بولس قال معنديش حاجة أتفاخر بيها لو هفتخر هفتخر بالرب .. فبلاش تتفاخر بحاجة ربنا ادهالك لإنها مش بتاعتك في الأصل ، ربنا اللي أدهالك و أمر انها تروحلك بلاش تغيظ حد بحاجة عندك و مش عنده سواء بشكل مباشر أو بغير مباشر لإنه بيفتقر للحاجة دي و الكتاب بيقول إنك لما بتعاير الفقير انت بتعاير خالقه اللي لسه ماداهوش الحاجة دي طوبي لكل فننة تراعي مشاعر حنة و تحتويها و تصلي لأجلها ربنا يبارك حنة زي ما هو باركها ❤️🙏 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| عنده ليك بداية جديدة كل صباح |
| عنده ليك في كل مكان بداية |
| حياتك هى ملخبطه عندك .. لكن مظبوطه عنده |
| هي متلغبطة عندك بس مترتبة عنده |
| الحاجة الزيادة عندك ممكن تكون سبب فرح لغيرك .. بلاش تستخسرها |
العرض الشجري