|
 |
 |
 |
|
رقم المشاركة : ( 1 )
26 - 07 - 2023, 08:23 AM
|
|||||||||||
|
|||||||||||
 المشكلة براك.. في أهلك اللي معرفوش يحبوك، في اللي قصروا معاك، واللي جرحوك، واللي مش فاهمينك، في المجتمع، في الحر، أو في البرد، أو في المطر، في الخلخال، والأغاني والمسسلسلات ، في الراجل اللي جاي يعمل حفلة وهايفتح عليك بوابات الجحيم .. في الكنيسة وتقصير خدامها وأنه مفيش جسد ولا محبة ولا أبوة ولا افتقاد. أنت تمام يا معلم، والمشكلة في أي حاجة تانية، غير أنها تكون جواك! أو أنك أنت أصلًا.. اللي تكون المشكلة! زيك زي جدك أدم كده، أما قال هي السبب وهي اللي أكلتني م الشجرة! واما المشكلة تكون براك يبقى برة هو اللي لازم يتغير مش أنت ، بالخناق بقى بالمحايلة، بالصلاة، بالانتهار، بالتشريع، بالمنع والحجب ، لكن مش بأنك أنت تتوب أو تتواضع أو تتغير! ولو حصل تغيير براك في الظروف والأحداث، تفرح وتهلل زي اللي كسب ماتش كورة، وتفتكر أنك انتصرت، وانت مدخلتش الحرب أصلًا! هو لو منعت اللي بيحصل براك، هل ده معناه إن جواك اتغير؟! يا صديقي المشكلة جواك.. لو رميت حتة خشب وحتة دهب فى النار، الخشب هايتحرق والدهب هايلمع، الخشب بيتحرق عشان دى طبيعته، مشكلته فى طبيعته مش فى النار، النار بتكشف حقيقتنا وطبيعتنا. أنت اللي بتغضب وتتنرفز وتشتهي وتقع وتطمع وتخاف، أنت اللي جواك مشكلة فأراء الناس وكلامهم بيوديك ويجيبك . أنت اللي جواك نقص وجوع ومخاوف ماتكشفوش للنور وماتعاملتش معاهم. ولو منعت النار عنك واستخبيت أنت ومجتمعك جوه قوقعه، وفرحت بنفسك وقعدت تهلل، زى طفل قالوا له هيص يا واد خلاص لغينا الامتحانات، عمرك ساعتها ماهتعرف حقيقة نفسك، وهاتسقط فى اول محك حقيقي او امتحان. واللي بيفضل باصص براه، عمره ما بيعرف حقيقة نفسه ، يمكن أحيانًا بنحول كل معاركنا لأمور برانا، عشان مش قادرين نتحمل نشوف حقيقة نفوسنا! انسانا_الداخلي 
|
| أدوات الموضوع | |
| انواع عرض الموضوع | |
|
العرض الشجري