بيقولوا ان البعد بيعلم الجفا
مش البُعد بس اللي بيعلم الجفا
القسوة في المعاملة بتعلم الجفا
ورد الفعل الغير متوقع بيعلم الجفا
الزعل بالكام يوم وكأنك بتربي اللي قدامك بيعلم الجفا
العصبيه الي مفيش بعدها معلش والكلمه الي بتجرح بيها الي قدامك بتعلم الجفا
احساس ان وجودك مش فارق بيعلم الجفا
تكرار مواقف الخذلان بتعلم الجفا
عدم التقدير بيعلم الجفا
مش البعد بس اللي بيعلم الجفا
القسوة والإهانه والإهمال بيعلموا الجفا
كسر الخاطر وعدم التقدير بيعلموا الجفا
اللا مبالاه والردود البارده والتجاهل بيعلموا الجفا
عدم تحمل المسئولية والتخلي في لحظات الضعف بيعلموا الجفا
فكونك تحس إنك ملكت اللي قدامك لمجرد إنه بيحبك ومش ممكن يستغني عنك
فتتمادا وتبدأ تقسى وتتجاهل ، تبعد برحتك وتقرب وقت ما تحب
تخاصم بالايام وتبعد بالأسابيع
ما أنت عارف ومتأكد إنك مجرد ما تقرب أوتتكلم هيجري عليك و هيسامحك
لا وممكن كمان ميعتبكش !!
مهو أصل بيخاف على زعلك ، مهو مضمون بقى وانا عارف ديته وأخره ..
ما أنا حاطه ف جيبي وكل مفاتيحه معايا ..
نصيحة .. بلاش تضمنوا الناس اوووي كده
لانها يوم مابتفكر تقفل مفاتيح الكون مبتقدرش تفتحها
وكل دة نهايته حاجة واحدة
هى قطع حبال الود والمحبه
