الزحليقــــــــة!!!! فكرة رااااائعة لخدمة إعدادى وثانوى

[Marina Greiss]

الزحليقة !!!

قم بتحضير لوحة/صورة لكل من الخطوات التالية (أو إتفق مع أحد المخدومين الموهوبين في الرسم على تنفيذها):

1. ماري نفسها أوى انها تاكل شوكلاتة، و احنا في وسط الصيام.
2. قررت انها تنزل تتمشى عشان تنسي نفسها أكل الشوكلاتة.
2. تفكر في نفسها "هتمشى بس مش هعدي على البقال"
3. تفكر بعدها "هعدي من قدامه بس، بس مش ناوية أدخل"
4. "هدخل بس مش هعدي من ناحية الشوكلاتة والحلويات"
5. "هاعدي من ناحية الشوكلاتة والحلويات، بس مش هامسك أي حاجة"


6. "هامسكها بس مش هاشتريها"
7. "هاشتريها بس مش هافتحها"
8. "هافتحها بس مش هادقها"
9. "هادقها بس مش هاكلها كلها"
10. صورة ماري تاكل الشوكلاتة إلى أخر قطمة!

المناقشة:
يا ترى كان فيه إيه ماري كان ممكن تعمله بصورة مختلفة عشان تنتصر؟
يا ترى الدوامة/ الزحليقة دي خدتك قبل كدة؟
إيه أمثلة ممكن فيها الشيطان ممكن يستدرجنا بنفس الطريقة ويدخلنا في الزحليقة/ الدوامة دي؟
طيب لو هنكتب مع بعض موضوع عنوانه:

"كيف تنتصر على الخطية؟"

تفتكروا إيه اهم أبواب ونصايح نحطها فيه؟


إقرأ من الكتاب المقدس: التجربة على الجبل متى ٤ : ١ - ١١، ١ كو ١٠ : ١٣ ، يعقوب ١ : ١٤