31 - 05 - 2023, 08:40 PM
|
|
|
|
..::| الإدارة العامة |::..
|
|
|
|
|
|
القلب بأحشائي يناديك: اجبرني
الترنيمة دي لما بسمعها.. دايمًا كان الموضوع بيسير
في اتجاه التوبة وأنه سبب كسرت القلب.. هي الخطية
انا معرفش لما اتكتبت الترنيمة دي والسطر ده تحديداً
كان إيه اللي مر بيه الكاتب..
لكني الوقت اللي فات اكتشفت انه ممكن يكون
فيه اسباب تانية تكسر القلب..
القلب اتكسر، بسبب صدمتنا في بعض الناس
القلب اتكسر، بسبب الظلم والشر اللي بنشوفه
القلب اتكسر، بسبب الوحدة
القلب اتكسر، بسبب نظرات الناس لينا
القلب اتكسر، بسبب فقدان المعنى والتأثير في الحياة
القلب اتكسر، بسبب ساقية الحياة اللي بنلف فيها وطحنتنا
القلب اتكسر، بسبب اننا خسرنا نفسنا وسط زحمة الحياة
القلب اتكسر، بسبب اننا فقدنا ناس غاليين في حياتنا
القلب اتكسر، بسبب قلة الحيلة وصغر النفس
تعددت الأسباب.. والنتيجة واحدة (قلب مكسور)
بيصرخ.. اجبرني،لأن مفيش حد غيرك يعرف يعملها
ملحوظة
الجبر.. فيه وجع، والعلاج سكة
اوعى تروح لحد غلط يعالج الكسر علشان ماتتعبش زيادة
|
