21 - 02 - 2023, 09:50 PM
|
|
|
|
..::| الإدارة العامة |::..
|
|
|
|
|
|
حارب عني افكاري، ودافع عن اللي باقي مني،
ورجعلي اللي اتسرق من روحي وانا ضعيف.
إدخل في الصورة لو لسا باقي عليا يارب،
غير المُعادلة واعدل الكفّة المرة دي..
أنا؟
قوة إرادتي؟
أسبابي اني اكمل الحياة؟
ردودي على ضلمتي الجوانية؟
مفيش.. ما أنت عارف..
أنت عارف انه "لم يعُد فيّ قُوة".
أنت عارف اني قررت انسحب وانت اللي مش سامح بـ دا لسا.. مش عارف ليه؟
أنت عارف اني رفعت الراية البيضا وانت اللي خلتني في ارض المعركة
مكمّل حرب على اسمك وضمانك.
أنا.. ؟
اعتبرني مش هنا..
اعتبرني كسرت عهدنا القديم للبقاء..
بس أنت مُصر اني ابقى.. فا شيل بقى..
شيل الحرب.. شيل تكلفتها.. شيل جُثة روحي التقيلة على اكتافي..
وكمل أنت يارب طالما أنت شايف نهاية غير اللي أنا شايفها.
كمّل على ضمانتك، لاني مش ضامن حاجة خلاص.
كمّل لو شايف ورا اللي أنا شايفُه..
أما عني.. فا ماتراهنش عليا اوي دلوقتي، انا الرهان الخسران
وخيبة امل اي حد يعتمد عليا.. حتى نفسي
فا لو أنت عاوز تكمّل.. كمّل..
كمّل وانت شايلني ومحاوطني بجناحك لحد ما العاصفة تعدي..
دا لو عدت
|
