|
 |
 |
 |
|
رقم المشاركة : ( 1 )
11 - 02 - 2023, 11:23 AM
|
|||||||||||
|
|||||||||||
 الناس الـ " مش حقيقيه " متميزين وبجدارة في تلوين نفسهم بألوان المواقف اللي بيكونوا فيها مش مهم المبدأ ، المهم يبعدوا عن نفسهم اي حرج قادرين طول الوقت يظهروا بصوره غير صورتهم بدون ماتحس بيتكلموا حلو اوي لانهم مابيعرفوش غير الكلام ولأن المواقف بتظهرهم ، مابيحبوش يبانوا في الصوره اكتر من اللازم عاملين زي النار ، وجودهم يبان انه نور ودفى للمكان ، لكنك لما تقرب منهم هاتتلسع ويمكن تتحرق كمان بسبب افعالهم الناس الـ مش حقيقيه بيعرفوا ازاي يجمِّلوا صورتهم الخارجيه عاملين زي عجينة السكر اللي بتتشكل بيها التورته باشكال مبهجه تجذب العين ، علشان يداروا الحشو فيه ايه الناس الـ مش حقيقيه هتلاقيهم في بداية التعارف مبهرين ومبهجين وقلوبهم منوره ، وده بيكون في البدايات بس معندهمش اي مانع يلبسوا توب التقوى وانهم يعرفوا ربنا علشان يثبتولك انهم احسن منك وانك وحش اوي وبعيد لما تتكلم معاهم هتلاقيهم مجهزين صنارتهم اللي هايصطادوا بيها اخطائك في الكلام اللي هايمسكوه عليك العمر كله الناس الـ مش حقيقيه اساتذة كلام عندهم كلمات لا تقل ضرراً عن سم التعابين بيستخدموه لما بيزهقوا منك يرمولك كلمتين ويسبوك ويمشوا وكلامهم كفيل يقضي عليك بالبطئ ، او بالسريع مش فارقه الناس الـ مش حقيقيه شطار جداً في حفظ صورتهم المنيره قدام غيرهم ، بحيث لو اتكلمت عليهم بالسوء وكشفت حقيقتهم لناس تانيه ، يغلطوك ويطلعوك انت اللي وحش ومنفسن الناس الـ مش حقيقية موجودين حوالينا في كل مكان ، وللاسف الشديد هم اول اللي بنرتاحلهم الـ مش حقيقيين دايما يبانوا في الاول انهم اكتر المحبين والمشجعين ليك ، وهي دي الجبنة الرومي اللي بيرموهالك في مصيدة حياتهم 👌 - الغير حقيقيين ثعابين بيضاء ، تجذب العين وترعب القلب ربنا يحفظنا 🙏 
|
| أدوات الموضوع | |
| انواع عرض الموضوع | |
|
العرض الشجري