محدش هيشوفك صح من جوه

[walaa farouk]

اوعي تفتكر ان سكوتك ده الناس هتفهم
انه زعل او مضايقة
اوعي تفتكر انك وانت واخد space
وباعد الناس هتحس ان في حاجة مش مظبطوة
او هتدرك انها ضايقتك
اوعي تفتكر انك لما يكون عندك عزة نفس
ومش عاوز تفرض نفسك علي الناس .. الناس هتقدر ده
اوعي تفتكر ان الناس هتفهم انك حساس او عزيز النفس
ناس كتير بتاخد سكوتك رضا
وبعدك ان المشكلة فيك
مش فيهم
وعزه نفسك انك بعيد فينسوك
ويتجاهلوا حتى يسألوا عليك
اوعي تفتكر ان كل فعل بتعمله بيتقري صح
او ان كل شعور جواك الناس هتفهمه زي ما هو
ناس كتير للأسف بتفسر الأمور علي مزاجها
بتفصل الواقع لمصلحتها
وبتبقي هي اللي عامله الفعل
وبيلوموك انت علي #رد_الفعل
الخلاصة

حاول تبطل تتعشم في حد
تستني حد يفهم كل تصرفاتك صح
تتوقع انك تتفهم زي ما بتفكر
او تتقري زي ما انت
او تتشاف زي ما انت
من جوه