|
 |
 |
 |
|
رقم المشاركة : ( 1 )
11 - 09 - 2022, 11:22 AM
|
|||||||||||
|
|||||||||||
 الأنبا زوسيما حد باعتلى رساله إكتشفت إن هى لفت الدنيا كلها وبيقول : على الله بقى ما نتكلمش عن البلح والجوافة ، ومسميها التفسيرات الفكهانيه !! أنا مقريتهاش كلها بس عينى جابت كم سطر فيها... بيتكلم على ان دى فاكهه بتطلع فى الموسم انتو هتعملوهالنا إختراع !! يعني كأن الكنيسة هى اللي مطلعه البلح فى الوقت ده عشان عيد النيروز...... ولا الكنيسة هى اللى خلت البلح يطلع مع الجوافة عشان تقولولنا قلب الشهداء وإيمان الشهداء ودم الشهداء بتضحكوا علينا يعني.... فبيقول سيبكوا بقى من الحكاية دي فأنا عمال أسأل نفسي الحاجات دي بقالها 2000 سنة ايه اللي حاصل انهاردة عشان الناس فجأة عايزه تغير كل حاجة فيه إيه؟؟! ايه اللي بيحصل؟؟! ما الدنيا كانت ماشية وحلوة وهادية زي الفل في إيه؟؟!! إيه العاصفة دي ؟؟!! كل حاجة حتى البلح والجوافة عايزين يغيروها! يقولك ازاى تتكلموا عن بلح وجوافه ليه؟ طب انت زعلان ليه من البلح والجوافه اذا كانت هى وسيلة إيضاح الكنيسة شرحت بيها.. ...اذا كانت الكنيسة قالت يعنى لا احنا اللى حددنا ميعاد الزراعه ولا احنا اللى حددنا ميعاد الحصاد لكن ربنا رتب ده معاه...... ربنا أعطانا مثل نتكلم بيه ، نعرف نشرح عليه.... أيوه ناكل بلح وجوافة في عيد النيروز... نقول البلحة لونها احمر عشان دم الشهداء وهنقول قلبها أبيض عشان نقاوة قلب الشهداء ،ونقاوة أيمانهم، ونقاوة سيرتهم، وطهارة حياتهم ..... وهنقول فيها نواية صلبة زي إيمانهم الصلب.... عايزنا ما نقولش ده ليه؟! ده مزعلكوا في ايه؟ عشان بنعلم اولادنا وبنعلم أطفالنا اوعى حد يقولك حاجة تهز ايمانك انت زعلان عشان كده؟؟!!! عشان كل ما ياكل بلاحيه يفتكر ابائه الشهداء وصلابه الايمان انت زعلان من ده؟؟ ! عشان لو جات بذرة جوافة تحت سنانه وقرشت فيها ولاقاها صعبه وعيط فنقوله شوف ايمان اباءنا الشهداء كان صلب زي دي فيعرف معنى كلمة صلابة الإيمان ده مزعلك ؟!!! ...ايه الحاجات الغريبه دى الل احنا بنسمعها ؟؟!! 
|
| أدوات الموضوع | |
| انواع عرض الموضوع | |
|
العرض الشجري