كان له 4 بنات
اخوات
سابهملو ابوة
وف ليلة مات
وعشان وصية صغيرة
كانت حياته مسخرة
داق م الهموم لما اتعجن
وعاش كتير لحظات شجن !
وصل بعمره تلاتين سنة
طول الـ 29 يخدم فيهم ، ميملش
ييجوة عليه ، ميكلش
وفي اخر سنة
قرر يشوف نفسو ، يقول انا
جاله المرض ، دفع التمن
وعاش كتير لحظات شجن !
عاش كتير مريح ضمير
لا كان وزير ولا كان غفير
بين البينين
فكر بعين وغمى عين
كان حلمو يباة اسمو " عين " *عين : صاحب ملك ، مفرد أعيان
وباع ضميره
ساعتها جه عليه الزمن
وعاش كتير لحظات شجن !
عايش وحيد ، ودة كان بيألمه
عنهم بعيد ، ودة كان بيعلموا
اتبطر على حاله وقال اقربلهم
ولما شافهم من قريب
اتمنى يرجع يوم غريب
شدوة معاهم للمحن
وعاش كتير لحظات شجن !
