مقابله مغيرة مع زكا

[walaa farouk]

"اتولدت في بيت بينتظروا يكون ليهم ولد عشان يتسندوا عليه...
لكن المشكلة أن مع مرور الوقت، كل اصحابي كبروا وطولوا، انا فضلت قصير 😔

وهنا بدأت معاناتي 🥺 .. كانوا بينادوني يا أوزعة😢 ..
حتى أهلي كنت باحسها كتير في كلامهم "
"انت طالع قصير كدة لمين؟!""

ونتيجة لكده قررت أكون قوي وأعوض كل كلمة توجع اتقالت لي
، رحت اشتغلت في الضرايب مع الرومان، ولقيت الفرصة اللي تخلي الناس تخاف مني، لكن مع الوقت بقوا بيتجاهلوني وبيكرهوني وبيعتبروني زي عدوهم لأني شغال مع المحتلين .. لكني نجحت اكتر واترقيت في شغلي وبقيت ريس عالعشارين ...

وف يوم سمعت عن يسوع وقررت اسبقه واستناه على شجرة عشان أعرف أشوفه..
يسوع شافني وبرغم الزحمة اللي حواليه ناداني بإسمي وقالي يا زكا😍...

يسوع حب يقرب مني ويكون ليه علاقة بواحد زيي ويتعشي في بيتي اللى ماحدش كان بيدخله 😞..
سمعت كلامه وتوبت عن كل قرش أخدته زيادة ورديت للناس فلوسهم أضعاف ..

يسوع قبل ما يغير سلوكي لمس قلبي المتهان ... لمس نفسي المنبوذة ..

وأنا النهاردة جاي اشهد واقولكم يسوع شايف كل واحد متهان ومنبوذ،
كل واحدة شايفة شكلها مش حلو،
كل واحد حاسس ان ماحدش طايقه..
يسوع بيناديكم بأساميكم،
هيغير كل تصرف غلط مهما كان،
هو مهتم يقابل نفوسكم ويديكم في بكرة أمل جديد💜"
ثق فيه…

مقابلة_مُغَيِّرة🤝