|
 |
 |
 |
|
رقم المشاركة : ( 1 )
13 - 01 - 2022, 04:46 AM
|
|||||||||||
|
|||||||||||
 المتنيح_الانبا_كاراس رساله خاصه ليك...لبداية عام جديد مختلف ... مع المسيح .. إحنا محتاجين ربنا اسأل عن سفينتك ... ومين ركاب السفينه اللي عندك .. لئلا يكون فيها حد خاين بيكسر فيها وبيثقب فيها ليدخل مياه العالم ويغرقها ... مين السكان... مين اللي في قلبك ... مين اللي في حياتك ... مين اللي في سفينتك ؟ ان مكانوش حلوين طلعهم بسرعه ولا تصنع معهم سلام لتستمر الحياه معهم ... اوعي ... اوعي ... خلي بالك ... خلي في سفينتك ... في حياتك... في قلبك... الناس اللي اول ما تشوفهم تقول فرحت بالقائلين لي الي بيت الرب نذهب ... حد حلو ... حد يسألك يقولك متناولتش ليه بقالك مده ... هو ده اللي تركبه السفينه ... اللي يقولك بقالك فتره مقابلتش ابونا عشان تعترف ... هو ده اللي تحطه في السفينه ... لكن لو حد غريب وحد متعب ... طلعه بسرعه ... هيعطلك الموتور في وسط البحر ... ولا هتطول شرق ولا غرب .... عشان كده الكتاب بيقول ... ان عثرتك عينك اقلعها ... ايدك اقطعها ... ...آه ... الامور الخاصه بالحياه الابديه مش عايزه محاباه ... مش عايزة رحمة ... محتاجه عدل ... محتاجه قرار .... محتاجه حسم ... آه طبعا" ... عمرك مهم ... كل ثانية من حياتك ليك انت بس ... آه عمرك مهم ... خلي بالكم ... العمر ده الوقت اللي المفروض تدرس فيه المنهج ...عمرك ... والمنهج كتابك المقدس ... هتتسأل كده في الاخر ... واحنا داخلين علي الامتحان وواقفين قدام ربنا ... يقولك تعرف ايه عن التكوين ؟ ما هو ده المنهج بتاعك ... الله ادانا العمر علي قدر المنهج ... لو ثانيه ضاعت هنسقط ... اعطانا العمر زي الطالب ... بتقوله اربع شهور وادي المنهج... وادي الامتحان ... احنا العمر كله ... والمنهج الانجيل ... وهنسأل من التكوين للرؤية... يقولك قريت ... موتا" تموت ؟؟ لاء مقريتش ...كنت بتعمل ايه ؟ مقريتش اجرة الخطية موت ؟؟ لاء مقريتش ...مذاكرتش ليه المنهج بتاعك ؟؟ ما انت عارف... دا المنهج بتاعك ... والعمر علي اد المنهج ... مفيش ثانيه تضيع ... مفيش ثانيه تضيع ...المشكلة ان احنا بنعرف قيمة حياتنا بعد ما تخلص ... يقولك كده ... ونحن اطفال نلهو بالعمر ...ونحن شباب لا نراه ... عندما ندرك قيمته لا نجده ... اول ما نفهم يعني ايه سن .. يعني ايه عمر .. مش بناخد بالنا ... اوعي تكبر في السن وانت خاطي اوعي ... اوعي ... اوعي ... وانت ماشي في العمر .. كل شويه تخلع خطيه من جسمك وترميها .. . وقوله احسبها علي دمك يارب.. كل ما تمشي اخلع من جسمك خطية وارميها عشان توصل لنهاية عمرك تبقي فرحان بلقاءك مع الله . 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| من اقوال الواعظ الناري المتنيح الانبا كاراس |
| سيامة( المتنيح الانبا كاراس ) |
| عظات المتنيح الانبا كاراس |
| من اقوال المتنيح الانبا كاراس |
| مقوله جميله للاسقف المتنيح الانبا كاراس |
العرض الشجري