كيف هالسنة بتكون أحلى؟

[souad jaalouk]

كيف هالسنة بتكون أحلى؟
لمّا توثق بالرب حتى لو منّك فاهم مشروعو
لمّا منصنع الحب وما منتصنّع الحب.
لمّا منسامح لأنو الله وحدو ما بيغلط.
لمّا مننتبه لزهرة صغيرة بهونيك حيط.
لمّا منسمع عزف الشجر والطيور وفقش الموج...
لمّا بتزيّن حالك بأشخاص عندن وفا وشَوفتُن صلا!
لمّا منقبل الاخر بضعفو ، والاختلاف مش للخلاف.
لمّا نفرح بالحاضر لأن كل شي زائل .
لمّا نغامر كرمال حلمنا.
لمّا نحب لبنان عالزعيم.
لمّا نقرا تجاعيد ختيار.
لمّا نكون سبب بسمة للتعبانين.
لمّا نفهم منيح إنو الحروب بتخلص لمّا نحب بعضنا البعض...
لمّا نكون غمرة للبردانين. وإصغاء للوحيدين.
لمّا عالربّ الاتكال بكل الاحوال، ونفهم كل الفهم: إنو كنز هالدني هوّي: مخافة الله، الصحة، وراحة البال!
الاب فادي روحانا