07 - 12 - 2021, 07:21 AM
|
|
|
|
..::| الإدارة العامة |::..
|
|
|
|
|
|
"قوة العَلَيَّ تظللك"
كلمة قريتها من يومين في التأمل اليومي
كانت في بشارة الملاك للقديسة مريم، والحقيقة لأول مرة أقراها وتهزني كدة
وحسيتها كأنها كلمة شخصية ليا وأنا في ظروف صعبة بمر بيها..
وسط ما القديسة مريم واقفة في موقف صعب لا تحسد عليه سمعت الكلمات الواضحة دي
"قوة العلي تظللك" ركز وركزي في الكلمات دي معايا.....
في حماية جاية وفي معونة جاية؛ جاية من فين؟! من فوق من السما، جاية من عند العلي جاية بصورة مباشرة وواضحة ليكي يا مريم عشان تغطيكي وتسترك!
مش محتاج حماية من حد تاني لأنه هو هيحميك،
مش محتاج تدور على ستر لأنه هو سترك وغطاك،
مش محتاج معونة من أي مصدر لأن ضل قوته هيكفيك،
مش محتاج قوة من حد يقويك بيها لأن قوة من العالي قوي ممنوحة ليك…
اسمع واسمعي الكلام ده ليك النهاردة ..
. وكررها مرات كتير ورا بعض!
"قوة العلي تظللك "
|
