|
 |
 |
 |
|
رقم المشاركة : ( 1 )
08 - 11 - 2021, 08:43 PM
|
|||||||||||
|
|||||||||||
 خلصت جامعه واشتغلت ومع اول مرتب ليا جريت اشتريت محفظه كلها دباديب وجراب موبايل برضه كله دباديب ونزلت اقابل صديقتي الصدوقه اللي كان بقالها شهور مشوفتهاش لانها ابتدت شغل قبليا ، كانت بتشتغل في بنك .. ضربت البنطلون الجينز الشرلستون والجزمه الاديداس والمحفظه الدبدوب وطبعا جراب الموبايل الدبدوب برضه.. وبس قولت ده انا بقيت البت الكول واللي مفيش زيها وصلت واستنتها ولقيت عربيه منغير سقف وقفت قدامي وليدي نازله منها لابسه كعب و شعر سايح ونضاره شمس كلاسي وبدله وشنطه وروج وميك اب واوعى… لقيت ريحه البرفان بيقرب قوي فجأه لقيت صوت رقيق بيقولي هاااي !! بصيت حواليا هو ال هاي الرقيقه دي من سيده الاعمال المرموقه بتتقال لمين ؟ طلعت صديقتي الصدوقه اللي كانت بتبدل معايا الاقلام في المدرسه واللي كانت بتسابقني مين هيملى ايده حظاظات اكتر.. طبعا كنت بحاول اكبر نفسي شويه ودخلت حظاظاتي في الشنطه ولميت شعري المنكوش وابتديت المع الاديداس في البنطلون وكنت حاسه اني صغيره قوي.. اول ماقعدنا قالتلي ايه جراب الموبايل ده احنا كبرنا يابنتي انت لسه بتشيلي الحجات دي وضحكت .. وشويه عايزين نكتب حاجه طلعت النوته بتاعتي اللي عليها باربي فضحكت وقالتلي ده انت مشيلتيش الحجات دي واحنا في المدرسه هتشليهم دلوقتي..! روحت البيت ومسكت دباديبي وكرساتي اللي كنت فرحانه اني اخيرا قدرت اجبهم وحسيت اني فعلا لسة صغيره قوي…. الغريبه ان من كام يوم طلعت كل الدفاتر اللي بكتب فيهم مذكراتي لقيتهم كلهم طفوليين لقيت عليهم باربي وهيللو كيتي ودباديب….. اكتشفت‼️ ان الحاجه اللي معرفتش اجبها وانا صغيره او الحاجه اللي مجبتهاش في وقتها هفضل عطشانه ليها.. الحب اللي مخدتوش في وقته الاهتمام، الشوفان، الاحترام، التشجيع،….الخ اي حاجه متسددتش في وقتها هتفضل عطشان ليها.. فعلا الاحتياج النفسي بيفضل موجود وبيدور لنفسه على مخرج.. مهم نفهم احتياجاتنا وندرك مشاعرنا ونترجم تصرفاتنا .. بتفرق كتير.. 👍 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| دباديب الكريسماس البيضاء |
| محفظتى بقت عاملة زى البصلة |
| محفظتى زى البصل |
| دباديب وارانب وفيل من الكروشية |
| دباديب متحركه |
العرض الشجري