24 - 09 - 2021, 09:47 AM
|
|
|
|
..::| الإدارة العامة |::..
|
|
|
|
|
|
مين مننا متمناش يبقى عايش أيام المسيح😍
كل واحد مننا غالباً تخيل ده في وقت
، وتخيل نفسه في مشهد من مشاهد التعامل معاه.
يمكن تكوني تخيلتي أنك المرأة إللي مشيت وراه
عشان تلمس هدب ثوبه عشان تخف من مرضها لسنين.
ويمكن تكون الشخص إللي بيصرخ وعايز منه رحمة
وأنه يفتح عينيك👀
ويمكن تكون أتمنيت تكون مكان المفلوج إللي نط وقام من سريره.
ويمكن تكون مكان الشخص المصروع والمقيد وتتمنى حرية منه.
أقولك بقى أنا دايماً اتمنيت أكون مين؟!🥰
أتمنيت لو عايش وقت يسوع أكون من الأطفال الملمومين حواليه وإللي بيشيلهم على رجليه.
أنا مش عايز أي واحد والسلام أنا عايز واحد
مُحدد بعينه متضحكش عليا بس استنى.
في مرقس ٩ يقول الكلمات دي عن ولد صغير: "فأخَذَ ولَدًا وأقامَهُ في وسطِهِمْ ثُمَّ #احتَضَنَهُ"
أنا بقى مش عايز أكون غير الولد ده... مش عايز غير الحضن ده👦
مش مهم أي حاجة تاني. كفاية بس يحط أيده عليا على راسي على كتفي.
وكمان يحضني🥰
يكفيني جداً كدة مش عايز غير كدة
يا ترى أتخليت قبل كدة تكون مكان مين لو كنت عايش أيام يسوع!؟
لو متخيلتش... غمض عينك وتخيل معايا الحضن ده!
حضن يسوع😍
|
