“لقد حان الوقت لبناء كنيستكم الجديدة”

[Mary Naeem]

البابا تواضروس الثاني

قداسة البابا لشعب كنيسة مارمرقس بالمقر، سيدرجروف “لقد حان الوقت لبناء كنيستكم الجديدة”
“أنا سعيد إني بأصلي معكم النهاردة في كنيستكم كنيسة مارمرقس وفي المقر الجديد وعرفت إنكم هتعملوا كنيسة جديدة وأنا زرت كنائس كثير مع نيافة الأنبا دافيد فى إيبارشية نيويورك وكانت كنائس جميلة. ومش شرط تكون كبيرة وواسعة وزرت كنائس في نيوچيرسي وكل ما يهمنا هو راحة المصلين.
ومشروع كنيسة جديدة هو مشروع مهم جدًا ولازم الكنيسة اللي هتبني تكون كنيسة معبرة عن الكنيسة القبطية الأرثوذكسية مش علشان المقر لكن ككنيسة قبطية.
وهذا المكان عارف إنكم أخدتوه ورتبتوا فيه كثيرًا وزاركم من قبل البابا شنودة وهو بدأ في حبريته ، لكن حان الوقت لتعملوا مشروع جديد حلو تشتركوا وتشجعوا آخرين لإنجاز ذلك المشروع في أقصى وقت ممكن تعملوا مشروع حلو لأولادكم والأجيال اللي جاية ولمارمرقس ويكون في المكان أكثر من مذبح لعمل أكثر من قداس على حسب ظروفكم وفيه قداسات عربي وقداسات بالإنجليزي ويكون فيه خدمة مدارس الأحد والشعب كله يلقى رعاية جيدة وكنيسة يفتخر بها.
عارفين الآية اللي في (مز ٢٧ : ٤) “وَاحِدَةً سَأَلْتُ مِنَ الرَّبِّ وَإِيَّاهَا أَلْتَمِسُ: أَنْ أَسْكُنَ فِي بَيْتِ الرَّبِّ كُلَّ أَيَّامِ حَيَاتِي، لِكَيْ أَنْظُرَ إِلَى جَمَالِ الرَّبِّ، وَأَتَفَرَّسَ فِي هَيْكَلِهِ.” وهي الآية الوحيدة اللي بها كلمة جمال وبنصلي نقول كما في السماء كذلك على الأرض بنحاول نقلد السماء على الأرض فلازم كنيستكم تكون رائعة في كل شئ وتكون هندستها بديعة وتصميمها جميل ومنظم وملامح الفن واضحة في شكلها والقبة وأيقوناتها ومقاعدها.
اجتهدوا أيها الأحباء وتذكروا كلمة البابا شنودة جيدًا “إن عندما توجد النية الله يعطي الإمكانية”
واهتمو أيها الأحباء بكنيستكم تكون جميلة ويكون مشروع جميل.
ربنا يبارك في الخدمة والعمل والمشروع اللى هتبدوا مباشرة بجميع إجراءاته الورقية والحكومية تخلص ولا تضيعوا وقت واجتهدوا كلكم أن تمشوا في طريق واحد اجتهدوا وصلوا مشاريع الكنائس لا تخرج من الأرض للسماء لكنها بتنزل من السماء على الأرض ” ونعمة ربنا تحرك القلوب في كل شيء مهندسين وفنيين وعاملين ومتبرعين ومصلين وتمشي وتكون في النهاية كنيسة جميلة وتفرحوا بها والنهاردة قطعنا نصف رحلة زيارتنا.

صلواتكم نكمل المشوار….كل زيارة وأنتم طيبين”