حدثت هذه المعجزة في عهد الأم الرئيسة كيريا واصف

[Mary Naeem]

حدثت هذه المعجزة في عهد الأم الرئيسة كيريا واصف:





+كان الدير يطبخ قديماً في حلل كبيرة من النحاس اسمها( القيزان) علشان الراهبات عددهم كبير وكانت تقيله بيشيلوها اتنين وهي فاضيه ولو مليانه بقي يشيلوها 4 كل اتنين في ناحيه وبيشيلوها بالعافيه
والقيزان ده كان وقتها ب 7 جنيه يعني قيمتها كبيرة قوي دلوقتي، فالمهم الراهبات سلقو فيها لحمة وقسمو الشوربه نصين نص طبخو بيه والنص التاني قالو نطبخ بيه بكرة، ووقتها مكنش في تلاجات ولا ديب فريزر فسابوها وصبحو تاني يوم لا لقيو القزان ولا لقيو الشوربه فضلو يدورو عليه وافتكرو حد دخل الدير بالليل وسرقه بس قالو هيسرقوه ازاي دا تقيل ومحدش هيقدر يشيله وهو مليان بالشوربه وتماف كيريا كان ليها داله كبيرة عند ابوسيفين فقالتلو كدة ياابوسيفين بردو يسرقو حاجتك دا كلام وادايقت.
وبعدين كان في الجنينة اللي دلوقتي فيها كنيسه السيدة العذراء كانت زمان حوش للمواشي وبعدين بطلو المواشي فبقيت كل زبالت الدير يرموها فيها فكانت خرابه لا يمكن حد يروح فيها
فتماف كيريا عاتبت ابوسيفين وهو كان بيجيلها دايما بالليل وهي بتصلي فجالها وقالها انتي بتقولي عليا ايييه ؟ قالتلو ايوة بقول لية مش واخد بالك من حاجتك، قالها بصي يا ستي بقي بناتك سابوا الشوربه مكشوفه وجيه تعبان بخ فيها وانا خفت عليكم روحت خدت القيزان بالشوربه وكبيته في الخرابه تحت النخله الفلانيه
فقالتلو طب وليه انت مشلتش السم من الشوربه وكنت سبتها طبخنا فيها. فقالها لما انتي دلوقتي بتعتبي عليا اومال لو شلت السم من الشوربه كنتي عملتي اية مكنتوش حسيتو بيا انما انا كدة كبيت الشوربه وكفيت القزان هناك وابعتي بناتك ياخدوها
ففي الصبح راحت قالت لراهبتين يروحو يجيبو القزان من تحت النخله الفلانيه فسألوها الراهبات اية اللي هيودي القيزان هناك يا امنا قالتلهم طب بس روحو هاتوه وتعالو وانا هحكيلكم فراحو ولقيوه زي ماقالت وجابوه وحكتلهم وقالتلهم انا بحكيلكم عشان تتعزوا وتعرفوا ان ابوكم واخد بالو منكم وسهران وبيصلي من اجلكم

شفاعتك وبركتك يا ابوسيفين تكون مع جميعنا

امين