|
 |
 |
 |
|
رقم المشاركة : ( 1 )
28 - 06 - 2021, 02:57 PM
|
|||||||||||
|
|||||||||||
|
انا مستغرب من الاستغراب .. مندهش من الاندهاش ... انتوا مستغربين اوي اوي من قصة البنت والفستان ليه ؟ القصة دي عملت ضجة مش عشان القصة ولا الاساءة ولا التنمر .... لكن فقط عشان ظهرت ع السطح ف السوشيال ميديا وبقت رأي عام .... لكن دة الطبيعي ف مصر ... دى قصة اليوم وكل يوم ... قالك عمرو اديب مستغرب اوي ومستاء ان المراقبة سألتها انتي مسيحية ولا مسلمة ويقولك محدش بيسأل السؤال دة ... يا رااااااااجل .... انت بتستهبلنا ولا بتهين ذكائنا ؟ انت عبيط ياض ؟ دة كل بنت بشعرها بتتسأل السؤال دة كل يوم ألف مرة ف الجامعة والشغل والمصالح الحكومية والقطاع الخاص ... وكلنا لو متسألناش السؤال دة بصراحة بنتسأل عن اسامينا ولو الاسم مش واضح بنتسأل ع الاسم ثلاثي ورباعي... ف الشفوي والانترفيوهات وف كل حتة ... وعلي حسب الاجابة تبدأ المعاملة . اما تنمر المراقبين وانهم خلوها فرجة ف الجامعة عشان مش لابسة بنطلون تحت الفستان ... فدة اسمه تنمر زائد تحرش علني .... ودة بيحصل ف مصر كل يوم ملايين المرات للبنات ف كل حتة تحرش ثم تنمر ثم شتيمة عشان تتربي وتتعلم الاخلاق الحميدة .... يا راجل دة تعليقات الناس ع السوشيال ميديا علي فتاة المطار اللي لابسة ومتغطية من فوق لتحت تعليقات تخليك تشمئز ....من كتر ما هما بيعلموها الادب ... يا عم عندنا زميلة كانت ف الجامعة داخلة المدرج والغويشتين الدهب اللي ف ايديها خشولوا مع بعض قام الدكتور قالها الرقاصة اللي داخلة تعمل نمرتها في المدرج تطلع برة .... !!!! وهو اصلا استاذ جامعة معروف عنه انه متحرش انا مش مستغرب من القصة... دى قصة عادية جداااا كل يوم. انا مستغرب انكم مستغربين .. اكنكم مش عايشين ف مصر . التدخل في حياة الناس مرعب ومن زمان ... مصر فيها ١٠٠ مليون متدين .. و١٠٠ مليون متحرش .. و١٠٠ مليون متنمر .. 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| مات شعور الاستغراب |
| الواحد نسي احساس الاستغراب |
| مستغرب ليه |
| مستغرب ليه |
| مات مستغرب |
العرض الشجري