في انسان لما يشبع يفضل انسان
بيرد جميل ربنا عليه لكل انسان بيشوفه ..
بيمشي يعمل خير ...
وفي انسان لما يشبع بيتحول وحش كاسر
وعاوز يكسر ويدوس علي كل الناس
وكانه اله ماشي علي الارض ..
اتصدمت حقيقي وقلبي وجعني لما عرفت ان الطيار اتوفي وسافر السما ...
وإن كان ده عمره ونهايته ...
لكن محمد رمضان هو سبب كسرته وحزنه ...
نفسيته اتكسرت قدام الكل اتهان من اللي حصله ..
لو واحد اتوجع من حد ممكن مينمش طول الليل ...
ده خسر شغله ووضعه ومجتمعه ...
انا بقاطع كل اعمال محمد رمضان وكل شيء فاسد
بيودى مجتمعنا وانسانيتنا في خبر كان ...
وإن كان صوتي بسيط ومش هيفرق بس لازم اقول واتكلم ..
ولازم الناس تفوق ونعلم الاجيال اللي طالعه ان ده غلط
النجاح ان الناس تشاور عليك وتقولك برافو مش تدوس وتأذي نفوس الغلابه ....
وان الفلوس مش كل حاجه
وانك لما تشبع تشكر ربنا انه شبعك ...
وتمشي تصنع خير ... تجووول تصنع خير ...
مش تكسر الناس بجبروتك ...
وتكون سبب في وجعهم وحزنهم ...
وموتهم للاسف
ربنا يرحم الطيار ...
ويرحم كل انسان اتظلم من ناس وكانوا سبب في موته ..
والباقي ربنا في السما عارفه وشايفه كويس ..
