بركة البابا كيرلس..

[Mary Naeem]

بركة البابا كيرلس..




قرر شاب و هو مقبل على الزواج أن لا يضع أي شئ في شقته ألا و أن يضع أولاً صورة للبابا كيرلس السادس و بالفعل فقد وصى أحد أصحابه أن يأتي إليه بصورة للقديس العظيم البابا كيرلس . و فعلا احضر صديقه له الصورة و لكن لم يجده فى الشقة فى ذلك الوقت فقرر أن يترك الصورة عند أحد جيرانه وفعلا طرق الباب ففتحت له أمرأة و كانت غير مسيحية و قبلت أن تضع الصورة داخل بيتها حتى يأتي صاحبها .

ولكن عندما حضر زوجها وعلم غضب غضباً شديداً ووبخها و طلب منها أن تجعل الصورة وجهها ناحية الحائط . ... و كان هؤلاء عندهم طفل صغير لا يستطيع الحركة و في الليل كان يريد شيئاً فظل ينادى على والدته ووالده و لكن دون جدوى فلم يسمع أحد منهم صوته .

ولكن تحنن عليه الأب العظيم البابا كيرلس وظهر له و كلمه و قال له ماذا تريد .. قال له أريد بابا و ماما و طلب منه البابا كيرلس أن يدب إليهم و لكن الطفل رفض و قال للبابا كيرلس ازاى أروح مش ممكن أقدر أنا مش باعرف أمشى ... فقاله البابا كيرلس روح هاتقدر و فعلاً مشى الطفل و راح لأبوه و أمه و كانت دهشة الأب عندما سمع باب الغرفة يطرق ووجد طفله أمامه و حكى له أبنه ما جرى . وفى الصباح جاء الشاب صاحب الصورة و بدأ بالاعتذار عما حدث .
و طلب الصورة و لكن رفض الرجل الغير مسيحى أن يعطيه الصورة و حكى له ما حدث لأبنه .
بركة البابا كيرلس تكون معنا أمين . فهذا الأب الحنون لم يقف مع أولاده فقط بل أيضا مع جميع الناس ليعرف العالم أجمع من هم أولاد الله.

يروى ابونا بولس جورج هذه القصة التى حدثت معه ويقول :�وهو فى كندا منذ اربع سنوات طلب منه احد الخدام الذهاب الى كنيسة مارمينا بكندا .. �وكان موجود بهذه الكنيسة بعض الشباب والشابات العراقيين .. �وكان يتحدث فى عظتة عن محبة الله ورعايته .. �وكانت موجودة بنت عندها حوالى 16 سنة .. اثناء عظته بدات فى البكاء بشدة .. واستمرت فترة طويلة فى البكاء .. لدرجة ان ابونا شك انه قال حاجة غلط ..�فاول ما خلص العظة طلب من الخادم الموجود ان يجلس مع هذه البنت بمفردهما . وقال له البنت دى اول مابديت الكلمة فضلت تبصلى وتعيط وتبصلى وتعيط انا خايف اكون ضايقتها بحاجة بالرغم ان كلامى عام �البنت جلست مع ابونا .. وروت حكايتها وقالت له: ان ابوها وامها انضربوا بالسنكى بتاع البندقية فى بطنهم امام عينها .. وهى استخبت تحت السرير .. ولان عظة ابونا كانت عن رعاية ربنا فالموضوع اثر فيها اوى وفكرها بحكاية ابوها وامها ..�فاعتذر ابونا لها انه تسبب فى انها تذكرت هذه الحكاية الاليمة ..�فقالت له البنت لا تتاسف يا ابى اسمحلى احكيلك بقية الحكاية اللى جعلتنى ابكى ..�بالرغم من ان احنا كلدانيين كاثوليك .. لكننا بنحب البابا كيرلس السادس جامد جدا .. وعندنا له صورة كبيرة .. �ولما الناس قتلوا ابويا وامى .. ومشيوا .. انا كنت فى رعب تحت السرير .. �وبصيت لقيت واحد بيمد ايديه وبيطلعنى من تحت السرير .. ولما قمت لاقيت قدام عينيا البابا كيرلس وقال لي:�"ما تخافيش بابا وماما عند المسيح من اجل ايمانهم .. وانا هاوصلك لغاية بر الامان .. وطبطب علي وقال لي انتى فهمانى؟"�قالت له فهماك ..�واكملت البنت .. �انا معرفتش ايه اللى حصل بعدها بالتفصيل .. فى ناس اخدونى وودونى السفارة وعملوا لى لجوء .. ولقيت نفسى فجاة مسافرة على كندا ..�الحاجة الغريبة .. انى طلعت الطيارة وقعدت .. ولما قعدت وهما بيقولوا اربطوا حزام الامان .. جالى تانى وطبطب علي وقال لى: "توصلى بالسلامة يا حبيبتى"�وفتحت لى الشنطة وطلعت منها 15 او 16 صورة للبابا كيرلس .. لانها كل ما تلاقى صورة للبابا كيرلس تحطها فى شنتطها ..
بركة صلوات ابينا القديس العظيم البابا كيرلس السادس فلتكن معنا كلنا