رسالة قاسية لـ هاني شاكر|كنت بكدب على عمى
هاجم عادل نافع ابن شقيق الفنان الراحل علي حميدة، نقابة المهن الموسيقية، خاصة الفنان هاني شاكر، مؤكدًا أن الأخير لم يتصل بهم إطلاقًا خلال مرض حميدة للسؤال عن صحته أو مساعدته بأي شيء.
قال عادل في تصريحات لـ«المصري اليوم»: «حاولت التواصل مع هاني شاكر أكتر من مرة وعمره ما رد علينا، وكان فيه وسيط طلبت منه يوصل لأستاذ هاني إننا عايزين ننقله من مستشفى إلى آخر، لكن أستاذ حلمي الوسيط قالنا بالحرف الواحد لو طلعتوه من المستشفى تتحمله مسؤوليته، ومكنتش بوصل الكلام ده لعمي وكنت دايمًا بكدب عليه وبقوله أستاذ هاني بيسأل عليك عشان معنوياته بالرغم من أني كنت كل ما أحب أتواصل مع هاني شاكر حد يرد عليا ويقولي 5 دقايق وهيكلمك ومكنش بيحصل خالص».
وتابع: «إحنا مكناش محتاجين أي ماديات الموضوع كله كان معنوي هو كان بيتعالج على نفقة الدولة وأهالي مطروح محدش منهم قصر معانا خالص، وتقريبًا جيه ناس من جميع أنحاء المحافظة عشان يطمنوا عليه وعلى صحته».
واستكمل: «الناس كانت بتقف بالطوابير عشان تزوره والناس بتقول ده أبونا لحد قبل ما يموت بساعات كانت ناس بتزوره وتحكي عن مواقف جميلة عملها معاهم».
كان حميدة كشف عن تعرضه لأزمة صحية بالتزامن مع تعرضه لأزمة مادية بعد تسديد المبالغ المستحقة للضرائب، ما جعله غير قادر على الإنفاق على علاجه. وعانى الفنان من السرطان خلال الفترة الأخيرة إلى جانب معاناته من مشاكل صحية في الكلى وحصوات في المرارة. وخضع للعلاج في منزله الفترة الماضية بعد انتقاله إليه وخروجه من معهد ناصر، حيث عولج على نفقة الدولة.
هذا الخبر منقول من : المصري اليوم
12 - 02 - 2021, 12:19 PM
العرض الشجري