|
 |
 |
 |
|
رقم المشاركة : ( 1 )
02 - 01 - 2021, 07:06 PM
|
|||||||||||
|
|||||||||||
 عاوزين نوصل أننا نقول "ولكن شكراً لله" مهما حصل شكراً لله عايزين نشتغل على التدريب ده 1- اختار 5 شخصيات اشكر ربنا عليهم ممكن يكون (أب إعترافك - خادم - ابنك - شريك حياتك ....) امسك ورقه وقلم واكتب اشكرك يا رب على فلان لانه (استحملني - سندني - طيب خاطري - علمني ....) احنا بننسى نشكر ربنا على ناس في حياتنا لو عملنا كده هنحس بعرفان لربنا احنا مخلقناش الناس دي بس ربنا حطهم فى حياتنا تعالوا نستخدم الجمله دي ونقولها لناس حوالينا "انا بشكر ربنا على وجودك في حياتي" 2- فكر في 5 مواقف مروا عليك في 2020 السنه العجيبه المضطربه اللي محصلتش قبل كده (حوادث كان ممكن تحصل - أو مآسي كان ممكن تحصل - مشاكل كان ممكن تتفاقم - ناس كان ممكن تفقدهم ...) هتلاقي 5 و 50 و100 موقف ربنا حط ايده وبارك وستر وانقذ و نجى كان ممكن الدنيا تبقى اوحش من كده كتير اوي لو تأملنا في المواقف هنقول مع المزمور "لإبتلعونا ونحن أحياء" شكراً لله 3- هنشكر على 5 أماكن (بيتك - الكنيسه - مكان شغلك - مكان خدمتك ...) السنه دي اتحبسنا شويه عمرك شكرت على بيتك؟ في ناس معندهاش بيت شكرت على الكنيسة؟ السنه دى اكتشفنا كلنا ان بيت ربنا غالي أوي تعالوا نشكر على كل مره جينا كان الباب مفتوح مكناش متصورين انه يقفل ابداً 4- هنشكر على 5 مشاكل! في وجع، في مشاكل، في ضيقات، في اضطهادات، في جوع، في مرض، في وباء، في ناس اتمررت السنه دي، في ناس خسرت شغلها، في ناس خسرت احباءها... ولكن شكراً لله لأن ربنا في ده كله عارف بيعمل ايه عايز يلمنا في السما الايام دى هتخلص كده كده وهيلمنا حواليه وهنبقى فرحانين الى الابد لو شوفنا ده من دلوقتي هتقول ولكن شكراً ليك يا رب رغم كل اللي حصل الشكر على الناس الحلوه منطقي، الشكر على الخير منطقي، الشكر على الاماكن الحلوه برده منطقي، لكن احلى شكر في ودان ربنا اللى قبليه "ولكن" يا رب انا تعبت اوي ولكن شكراً ليك ولكن شكرا لله الذي يقودنا في موكب نصرته في المسيح كل حين و يظهر بنا رائحة معرفته في كل مكان. (2كو 2: 14) 
|
| أدوات الموضوع | |
| انواع عرض الموضوع | |
|
العرض الشجري