بيخبرو عن دبّ قطبي راح يعيش بأفريقيا ما قدر يقعد و لا دقيقة من الشَوب!
و بنفس الوقت كان في بأفريقيا زرافة راحت عالقطب الشمالي و ما لحقت وصلت تا طلبت تفلّ قد ما برد.
الزوّادة بتقلنا انّو كل انسان عندو بيئة بينتمي الها و بس يطلع منها بيحسّ حالو غريب و اوقات كتير ما بيتحمّل و ما بيصدّق يرجع... انت كشخص مسيحي وين بيئتك، وين مطرحك؟ بيئتك مش ضروري تكون ضيعتك و مدينتك و اصحابك و عيلتك...بيئتك هيّي المحبّة بأي مطرح كانت و مع مين ما كنت بس يصير فيه حقد و انانيّة بتحسّ انّو ما بقا فيك تبقى! حبّو الكلّ بصدق متل محبّة يسوع النا و عيشو مطرح ما بدكن بهالأرض! انشرو هالوصيّة اللي عطانا ياها ربنا: احبّوا بعضكم بعضا كما انا احببتكم حتّى دفا المحبّة يغمر الأرض من القطب الشمالي للقطب الجنوبي! و الله معكن
29 - 06 - 2020, 03:51 AM
العرض الشجري