بالكتب و الموسوعات بس بدّن يعَرْفو عن بلد بيحطّو اوّل شي صورة علمو، بعدين لغتو، عدد سكّانو، مساحتو و عمِلتو و الإشيا المشهور فيها...
اذا اجا حدا هلّق بدّو يعرّف عن لبنان شو بدّو يكتب!؟ عدد سكّانو نصن واقف قدّام السفارات و ناطر المطار يفتح تا يهاجر و اقصى طموحو فيزا؟ عِمِلتو فجأة ما بقا الها قيمة؟ بشو مشهور؟...كل العالم صار يضرب مَثَل فينا بالفساد! هالبلد اللي اسمو محفور بكتاب ربنا المقدّس، هالبلد اللي نطرت العدرا ابنها فيه، هالبلد اللي خرّج قدّيسين عا مذابح روما...شو عملتو فيه؟! يا رب خلّي عينك عا لبنان، خلّي عينك عا شعبو، ما تخلّي الناس جوعانة، ما تخلّي اهلوا مقهورين مش قادرين يأمنوا ابسط حاجات بيوتن... ما بقا عنّا امل بسكان هالأرض، ما النا غيرك يا رب انت ادرى بحال كل واحد مِنّا...صلّو معنا عا نيّة لبنان و كل شعبوا...الله معكن
13 - 06 - 2020, 04:51 AM
العرض الشجري