أديب لمذيعة الجزيرة شايفين المزة دي ورحمة أمي هرفع عليها قضية
لإعلامي عمرو أديب حملات الهجوم الإخوانية على مصر وقيادتها بسبب إجراءات الحجر الصحي للمصريين العائدين من الخارج بالمدن الجامعية، قائلاً: إحنا داخلين في خناقة على مخدة ومرتبة، وبيسألوا الفلوس بتروح فين؟ وطبعًا كل دة هما عايزين يعملوه. وأضاف أديب خلال برنامجه "الحكاية" المقدم عبر شاشة MBC مصر، بيقولوا كدة، لكن محدش فيهم بيتكلم إن البلد دي محدش فيها في يوم راح وملقاش رغيف العيش، مفيش يوم حد راح تموين وملقاش سكر، مفيش يوم حد راح بنك وملقاش المرتب، كل دة بالنسبة لهم مش مهم لكن المهم الواي فاي بحجرات الحجر الصحي. وتوعد أديب مذيعة قناة الجزيرة بأنه سيقوم برفع قضية ضدها لاتهامها له بأنه يتلقى رشوة من قبل وزارة الصحة المصرية، قائلاً: الموزة دي ورحمة أمي هرفع عليها قضية، وتساءل: هو أنا مش هلقى غير وزارة الصحة المصرية أخد منها رشوة؟ من كتر فلوسها يعني؟ هيدوني إيه شوية أدوية يعني؟ وشدد إذا ماكنتش أدافع عن وزارة الصحة بتاعتنا وعن بلدنا أدافع عن مين؟ أنا كل اللي طلبته أن الناس تبقى حنينة مع البلد.
11 - 05 - 2020, 12:58 PM
العرض الشجري