كورونا اشاعات و حقايق(1)

[walaa farouk]

١-هل كورونا بيموت فجأة ؟

خطأ جسيم جدا .. لا ، الخوف منه هو اللي ممكن يؤذي مناعتك جدا
و الخوف من المرض أخطر من المرض ..

٢-نسب الشفاء من المرض ؟
٨١ % لا يشكو من اي شيء ،

١٤ % بيجيلهم أعراض حرارة و كحة و الام بسيطة و حرقان في الحلق لمدة أيام
و بيخفوا بالباراسيتامول و السوايل و العزلة الذاتية ١٤ يوم (لمنع العدوي) ..
٢ % بيحتاجوا مستشفي و بيخفوا بعد
علاج مكثف ..
٣ % هم اللي عندهم مشاكل مناعية كبيرة سابقة و محتاجين عناية طويلة ..

٣-هل الأطفال بيجيلهم كورونا ؟؟
اقل من ١ في ال١٠٠ ألف ممكن .. لكن المعروف للان
انه لا يصيبهم لان جهازهم المناعي يقاوم الالتصاق بالفيروس..
بس طبعا الحرص و النظافة و العزلة لازمة ..

٤-ماذا نفعل لو شعرنا بحرقان و كحة؟؟
لا تنزعج ابدا .. باراسيتامول بس و سوايل و غرغرة بماء دافي (لو بملح افضل) ..
و عزلة ذاتية احتياطي .. لو خفيت بعد شوية يبقي تمام ، برد و راح ..

لو الموضوع زاد قوي و الحرارة اكتر من ٣٨ و الكحة و النفس صعب قوي برضه ما تخافش..
استشير طبيب و ح يساعدك تفرق ده كورونا
و لا مجرد التهاب رئوي(و ده ممكن يكون مجرد التهاب عادي) ..
و هنا عزلة ١٤ يوم و تسمع كلام الدكتور لو فيه اجراءات أو تحاليل مطلوبة ..

و برضه ما تخافش نسبة الشفا في العادي ٩٧ % و مش ح تحتاج غير شوية رعاية ..
الباقي ٣ % بس ح يحتاجوا عناية مكثفة متخصصة .. و ربنا العافي ..

٥-هل دوا الملاريا يقي من كورونا ؟؟
الي الان لم يثبت الموضوع ده حسب منظمة الصحة العالمية.
. الدوا مازال تحت التجربة في الحالات المريضة فقط في المستشفي
و تحت إشراف طبي دقيق بسبب آثاره الجانبية و موانع استعماله في بعض الأمراض..
لذا لا ينصح باستخدامه إلي اشعار آخر..

٦-هل هناك أدوية أخري لعلاج كورونا ؟؟
فيه مضادات للفيروسات تحت التجربة و لم تعلن النتايج النهائية..
و سنسمع اخبار جميلة قريبا ..
اما اللقاحات الواقية فلانها بتاخد وقت لسه لم تخرج للنور إلا بعد شوية وقت اطول..

٧-ازاي نحمي نفسنا الفيروس ؟؟
وسائل النظافة بالماء و الصابون لليد و الوجه، تطهير الأسطح بالكلور ٢ % ،
مسافة امان ١ و نص متر ، عدم الدخول بالحذاء للبيت من الشارع الا بعد تطهيره
، كمامة بس في الزحام و تغييرها لو رطبة أو بعد خلعها لمرة واحدة ،
عدم السلام باليد أو التقبيل أو الاحضان..

٨-امتي الكابوس ده ينتهي ؟؟
لو عملنا زي الصين ، وقاية كاملة و عزلة مجتمعية لمدة أسبوعين علي الاقل (فات منهم شوية)
علشان نقلل العدوي ، و نسمح بتكوين علاج فعال ، و مناعة جماعية ..
يوهان في الصين رجعت طبيعية و رجعوا المدارس و العمل و الأشغال(بس برضه مع للوقاية و الحرص) ..

٩-ازاي أقوي المناعة ؟؟
كل الاقتراحات إلي الآن الخضار و الفاكهة و فيتامين c و d و b و zinc ..
كل ده موجود في اي multivitamin كويس ، بس من غير مبالغة في الجرعات..

١٠-هل الحالة النفسية لها تأثير؟؟
بكل تأكيد، اوعي تخاف لان الخوف بيقلل المناعة إلي الحد الأدنى و بيلخبط جهاز المناعة ..
بعد ما تعمل دورك اضحك و اطمن و صلي و سلمها و سيبها علي ربنا تبارك اسمه ..

و ربنا الشافي العافي الحامي يحمينا كلنا و يحمي العالم كله و بيوتنا و أسرنا بلادنا ..

و ربنا معاكم و يطمن قلوبكم ..