احد الأشخاص لما سألوه شو برأيك اكتر شي حاميك بحياتك، جاوب: صلوات امّي!
كمّل و قال انا متأكّد انّو صلوات امّي ساعدوني و دعموني بأوقات كان فيا تكون اصعب بكتير بدونن...
منسمع كتير بيقولو: امّو مصليِتلو... ما حدا بيحبّك قد امّك ان كانت بالسما او عالأرض صلواتها رح تضلّ مرافقتك!
يسوع ما رفض ولا طلب لإمّو حتّى انّو عمل اوّل عجيبة لأنها طلبت منّو هالشي بعرس قانا...
صلوات الأمّ مسموعة كتير عند الرّب...الزوّادة اليوم صلا لكل الأمّهات اللي بيناتنا و اللي سبقونا عالسما حتّى نجرّب نردّلن لو شوي من اللي بيصلّولنا ياه...الله معكن
20 - 02 - 2020, 05:43 AM
العرض الشجري