|
 |
 |
 |
|
رقم المشاركة : ( 1 )
11 - 01 - 2020, 09:29 PM
|
|||||||||||
|
|||||||||||
|
الحيطان و الودان👂👂  اسباب كتيرة تخلينا ما نتكلمش وحش علي حد .. اولها أخلاقنا الحلوة ، اللي تخلينا نحب و تستر علي الكل زي ربنا ما عمل معانا.. تانيهم اننا نشهد للناس عن جمال الفضيلة اللي فينا و نعلمهم ازاي يبقوا حلوين و محترمين .. تلاتة أننا ما نعرفش الناس دي و لا نعرف الظروف اللي خلتهم يعملوا كده ، و لو كنا مكانهم كنا عملنا زيهم و اكتر.. و بالتالي اوعي تتكلم علي حد ، بالعكس تعذره و تحط نفسك مكانه الاول.. اربعة ان اللي بتعمله النهارده بكرة ح يتعمل فيك ، انت بس بتحط تراب في المية اللي انت ح تشربها بكرة .. خامسا يجي المثل عبقري : الحيطان ليها ودان !! ده اللي قاله الكتاب : "لا تسب الملك ولا في فكرك، ولا تسب الغني في مضجعك، لأن طير السماء ينقل الصوت، وذو الجناح يخبر بالأمر " (جامعة ١٠ : ٢٠) .. فيه حاجة غريبة بتحصل في الكلام مع الناس عن الناس ، الحلو اللي بتقوله عنهم بيوصل "بالعافية" لان قليل اللي بيتمنوا لك الخير ( للاسف) ، لكن الوحش اللي بتقوله عنهم بينضرب في ١٠٠ و يلف يلف يوصلهم ، ازاي ما تعرفش !! ده أحيانا يقولوك كلام انت ما قلتوش، فما بالك باللي بتقوله !! و بعد كده تبتدي معاك المشاكل بينك و بين اللي اتكلمت عليهم .. حاسب في كلامك عن الناس لكل الأسباب دي ، و بالذات "نقل الكلام" .. و افتكر ان الحيطان ليها ودان و لسان و سنان كمان !! 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| حد بيزن علي الودان |
| ربنا يدينا الودان اللي تسمع صوتة |
| كلام يتحط حلقة في الودان |
| نزل الناس من ع ودانك👂👂 |
| الودان بتدوق الكلام |
العرض الشجري