زوادة اليوم : مع ربنا ما في شي مستحيل : 10 / 1 / 2020 /

[souad jaalouk]

زوادة اليوم:
في قصيدة قديمة بتقول: الضّد يُظهر حِسنه للضدّ، و في قول قديم بيقول ما بتعرف قيمة الشغلة الّا ما تفقدها... مثلا من الأشغال اللي اكتر شي بيوصفوهن انّو فيهن زبالة بتجي النضافة، بس تشتاق لحدا بتعرف قيمة وجودو، بس تنزعج من الضجّة بتصير تقدّر الهدوء، بس تجوع بتعرف قيمة لقمة الخبز، بس تبرد بتعرف قيمة الدفا، بوقت الحرب بتقدّر السلم، بالمرض بتعرف اهميّة نعمة الصحّة، بس يغدر فيك حدا بتفتقد للصديق الحقيقي، بس تواجه كره بتعرف قيمة الحب...اذا بدنا نكفّي نعد ما منخلص بس بتعرفو ربنا كسر كل هالقوانين معو بالعكس: كل ما تدقّو ما بيتسكّر بوجكن بالعكس بينفتحلكن، كل ما طلبتو ما بتنرفضو بالعكس بيستجاب الكن! مع ربنا كل مفاهيمنا تغيّرت حتّى تخايلو انّو الموت اللي كانت الحياة هيّي عكسو حَوَّلو الو لحياة ابديّة! الله معكن