|
 |
 |
 |
|
رقم المشاركة : ( 1 )
20 - 12 - 2019, 09:09 PM
|
|||||||||||
|
|||||||||||
 وانا بقرا في انجيل يوحنا احب الاناجيل الي قلبي .. وفي اول اصحاح تلميذان اختاروا يمشوا ورا يسوع .. لكن يسوع سألهم سؤال غريب فضلت افكر فيه .. قالهم : "ماذا تطلبان" ؟ يعني يارب ماشيين وراك وعايزينك هيكون عايزين ايه ؟ عايزين يكونوا معاك ! لكن لقيت الروح القدس بيجاوب جوايا ان يسوع عارف ان مش كل اللي بيمشي وراه هو عايزه هو .. زي اللي بيحب حاجات معينة في العلاقة مع شخص لكن مش بيحبه هو تحديدا . . فمش كل اللي بيختار الحياة الروحية هو طالبه هو شخصيا .. ازاي ده ؟ ولقيت الروح بيشاور علي حاجات كتير خطيرة في دوافعنا : • أوقات بيكون جرينا ورا تشغيل الترانيم مش بحثا عليه هو .. لكن بحثا عن حالة النشوة اللي جوة اللحن والموسيقي . • كتير بيكون ذهابنا لليالي التسبيح مش طلبا له ولتمجيده .. لكن بحثا عن حالة الحماس اللي بتكون موجودة بين الاعداد الضخمة . • أوقات بنفتح الكتاب المقدس مش علشان عايزينه هو .. لكن علشان عايزين حاجة منه تشجعنا ورسالة زي حظك اليوم كدة . • كتير بيكون اندفاعنا للخدمة مش حبا في خدمته وتمجيد اسمه . . لكن هروبا من اننا نقعد قدامه ونكشف له كل خبايانا وضعفاتنا . • ذهابنا الكتير للكنيسة مش شرط يكون جوعا لشخصه . . كتير بيكون علشان اهتمامات كتير هو اخر حاجة فيها . ••• علشان كدة يسوع بيسألنا في أول كل وسيلة روحية بنقوم بيها سواء صلاة او ترنيمة او تسبحة او خدمة او انجيل .. "ماذا تطلبان " . وهنا رد التلميذان : احنا عايزين الرب والمعلم والسيد .. عايزينك انت . يارب وجه دوافعنا صح .. انها تكون عايزاك انت تحديدا . واحمينا من الخداع المتخفي ورا الامور الروحية لان ده اخطر خدعة في الحياة . في كل حاجة بنعملها .. عايزينك انت تحديدا . 
|
| أدوات الموضوع | |
| انواع عرض الموضوع | |
|
العرض الشجري