السيسي فى رسالة للمصريين عشان تعمل مستقبل لبلدك لازم تشقى أوي وتضحي أوي
قال الرئيس عبدالفتاح السيسي إنّ الـ19 ألف فدان المخصصين للمزارع السمكية، في المنطقة الاقتصادية لقناة السويس، بين أفضل المزارع السمكية الموجودة في العالم.
وأضاف السيسي خلال كلمته في حفل افتتاح عدد من المشروعات القومية والتنموية بمحافظة بورسعيد وشمال سيناء، بحضور عدد من الشخصيات المهمة وكبار رجال الدولة: "التكلفة المالية المطلوبة للأرض دي، وخصوصا إنها أرض سبخية شديدة الصعوبة ومحتاجة تأهيل وإعداد وتجهيز، وبتتكلف مئات الآلاف للكيلو والفدان الواحد، المرحلة الواحدة بتتكلف مليارات، وكل ده عشان نقدر ندي المستثمر قطعة أرض يقدر يحط عليها المصنع، والدولة بتصرف أرقام كبيرة عشان كدا".
وتابع السيسي: "لازم نصرف عشان اللي بنخططله يتنفذ، أصل مين اللي هيصرف عشان يحط مصنع ويصرف ملايين لتجهيز الأرض"، متابعا: "أنا بقول الكلام ده عشان نعرف إنّه عشان تقدر تعمل مستقبل لبلدك لازم تشقى أوي وتضحي أوي وتبقى عارف انت بتعمل إيه".
ويفتتح الرئيس عبدالفتاح السيسي اليوم مشروعات قومية في محافظتي بورسعيد وشمال سيناء، بينها مستشفى النصر التخصصي للأطفال ضمن منظومة التأمين الصحي الشامل، بحضور الدكتور تيدروس أدهانوم جيبرييسوس رئيس منظمة الصحة العالمية، كما يفتتح أنفاق بورسعيد، محور 30 يونيو، مبنى المركز اللوجيستي بجمارك بورسعيد الذي يمثل المدينة الرقمية لبورسعيد، ومصنعين للأسماك وزيت الطعام.
ويتضمن الافتتاح كلمة للدكتور مصطفى مدبولي رئيس مجلس الوزراء، والدكتور عمرو طلعت وزير الاتصالات وتكنولوجيا المعلومات، ووزيرة الصحة، يليها عرض فيلم تسجيلي عن المشروعات التي تمت خلال فترة رئاسة الرئيس عبدالفتاح السيسي، ثم عرض أوبريت "وش الخير" بمشاركة 500 طالب من مختلف مدارس بورسعيد.
ويتفقد الرئيس خلال جولته كذلك، مستشفى النصر التخصصي لأورام الأطفال التابع لمنظومة التأمين الصحي الشامل، ومشروع المزارع السمكية بشرق بورسعيد ومشروع تطهير بحيرة المنزلة، ويفتتح المرحلة الأولى من مشروع الأرصفة البحرية شرق بورسعيد بالفيديو كونفرانس.
هذا الخبر منقول من : الوطن
26 - 11 - 2019, 11:10 AM
العرض الشجري