|
 |
 |
 |
|
رقم المشاركة : ( 1 )
22 - 11 - 2019, 06:09 AM
|
|||||||||||
|
|||||||||||
 صديق لي اخبرني عن ان صديق عمره وهو راهب الان رفض ان يحضر فرحه وقال له : "انا اقدر انزل عادي المدينة لكن سامحني مش بحضر افراح خالص " لكن ده مش هيمنع فرحتي بيك ومباركتي ليك .. ولما سألته انت مزعلتش منه .. قال لي : هو انا اتضايقت انه مش هيحضر لكن مزعلتش منه .. لان لكل انسان قوانين خاصة بيه بيحافظ بيها علي نفسيته وروحه والخطة الموضوعة لحياته .. هو مثلا يقدر ينزل يحضر لكن هو اجوائه الخاصة اللي قرر يحطها لنفسه من هدوء وعدم الزحمة وعدم التجمعات وعدم التواصل بالتليفون فلازم احترم اجوائه الشخصية ولازم اديله مساحته الكافية . وهنا شعرت بالنضج الكافي ويعني ايه علاقات صحية .. من فضلك ادي مساحة للي قدامك انه يقبل او يرفض حتي لو رفضه هيخليك تضايق .. لكن ده حقه وده قراره اديله مساحة انه يقبل او يرفض طلبك او حتي انه يقابلك .. لكل انسان سوي وناضج قوانين واجواء شخصية حاططها لنفسه يحافظ بيها علي نفسيته وعلي اتزانه . . بلاش تقتحمها وتصر انه ينفذها والا يكون مبيحبكش .. فيه شخص نفسيته مش هتسمح انه يرد علي تليفونك ، فيه شخص اجوائه مش هتسمح انه يروح معاك اماكن معينة ، فيه شخص استراتيجيته مش هتسمح انه ينفذ لك كل حاجة حتي لو هو يقدر يعملها .. ده مش قانون رهبان .. لكن كل شخص عايز يحافظ علي نفسه واتزانه ونقاءه لازم يحط لنفسه وللي قدامه مساحة للتفاصيل اللي يقبلها والتفاصيل اللي ميقبلهاش .. ولازم كلنا نتعلم ندي مساحة لنفسنا وللي حوالينا . 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| كان “أُوريَّا” في فطنة ناضجة |
| رؤية واضحة للملكوت |
| علاقات واضحة زى الشمس |
| الإيمان والرؤية واضحة |
| الخطة واضحة |
العرض الشجري