18 - 11 - 2019, 03:11 AM
|
| |
..::| مشرفة |::..
|
|
|
|
|
|
زوادة اليوم: حب المال
ناسك قدّيس عاش كل حياتو متوحّد بالجبل، حتّى بيوم من الإيّام، بيفوت ع هوني مغارة، وشو كانت دهشتو كبيرة، لـمّا شاف كنز كتير كبير. بلّش يصرخ ويقول: "شفت الموت، شفت الموت".
هوّي وهربان، بيلتقي بتلات لصوص، بيسألوه: «شو قصتك، شو صاير معك؟" قلّن: "شفت الموت". بيقولولو: "دلنا ع الموت حتّى نخلّصك مِنّو". ولمّا وصلو ع المغارة وشافو الكنز، قالو: "معك حق، عجّل هروب، هيدا الموت بحدّ ذاتو". هرب الناسك، وبلّشو اللصوص التلاتي يفكرو كيف بدّن ينقلو الكنز. هنّي وبالمغاره جاعو، وقرّرو يودّو واحد منّن ع المدينة حتى يجبلُن أكل. بس بالطريق لعب المجرّب براسو، فكّر وقال بقلبو: "كنز لواحد أفضل من تلاتة". اشترى الأكل، وحطّلُّن سمّ فيه. بهيدا الوقت، رفقاتو كمان فكّرو وقالو: "كنز لتنين أفضل من تلاتة". وقرّرو بس يوصل صديقن، يضربوه ع راسو ويقتلوه. وهيك صار، بكل روح باردة قتلو رفيقُن، وقعدو ياكلو، بس مع الأسف مشي السمّ بجسمُن وماتو... وضلّ الكنز مطرحو.
الزوّادة بتقلّي وبتقلّك:
"المال خادم أمين وسيّد ظالم، تذكّرو شو بيقول الربّ، ما تخدمو ربّين، الله والمال".
|
العرض الشجري